311Teknikë të shkencës së fizikë dhe inxhinierisë

Përshkrimi

Teknikët e shkencës së fizikës dhe inxhinierisë kryejnë një sërë detyrash teknike që kontribuojnë në kërkime dhe zbatime praktike të koncepteve, parimeve dhe metodave operacionale në veçanti për shkencat e fizikës duke përfshirë inxhinierinë, skicat teknike dhe efikasitetin e proceseve të prodhimit.

Detyrat kryesore

• Kryejnë detyra teknike në fushën e kimisë, fizikës, gjeologjisë, meteorologjisë, astronomisë, inxhinierisë ose vizatimit teknik (planimetrive);
• Organizojnë, mirëmbajnë dhe përdorin pajisjet dhe instrumentet e laboratorit;
• Mbikëqyrin eksperimente të ndryshme duke bërë vëzhgime, llogaritje dhe regjistruar rezultatet e tyre;
• Përgatisin materialet për eksperimente të ndryshme të planifikuara;
• Kryejnë teste sistemesh;
• Mbledhin dhe analizojnë mostra të ndryshme;
• Regjistrojnë vëzhgimet dhe analizojnë të dhënat;
• Përgatisin, rishikojnë dhe shpjegojnë skicat teknike, diagramat elektrike dhe të qarqeve elektrike dhe planimetrive;
• Respektojnë politikat e brendshme të punës dhe procedurat e hartuara nga Institucioni;
• Zbatojnë kodin e etikës të miratuar nga drejtuesit;
• Zbatojnë rregullat e sigurimit dhe mbrojtjes së shëndetit;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Zakonisht kërkohet të ketë diplomë tre vjeçare (bachelor); në disa raste një diplomë nga një shkollë e mesme profesionale dhe eksperiencë pune disa vjeçare janë gjithashtu të vlefshme.

Informacion shtesë

• Një individ mund të hyjë në profesion pasi të ketë marrë diplomë bachelor në degët e Kimisë, Fizikës dhe Inxhinierisë së përgjithshme.
• Me kryerjen e studimeve në nivel master dhe doktoraturës individët kanë mundësi të angazhohen si shkencëtarë në institucionet përkatëse.