3119Teknikë të shkencës së fizikë dhe inxhinierisë të pa klasifikuar diku tjetër

Përshkrimi

Në këtë profesion bëjnë pjesë një numër i madh pozicionesh pune të cilët kryesisht, nuk janë pjesë e grupit të vogël 311.

Ata mund të punësohen në laboratorë ushqimorë e industrialë, në kompani ndërtimi e prodhuese të materialeve të tyre, etj.

Detyrat kryesore

• Mbledhin të dhëna dhe japin mbështetje teknike për të kontribuar në përdorimin sa më efikas, të sigurtë dhe ekonomik të burimeve njerëzore dhe materiale, por edhe të pajisjeve.
• Kontribuojnë me anë të komenteve dhe sugjerimeve për vendosjen dhe planimetrinë e linjës së punës duke pasur parasysh procesin e caktuar që zhvillohet.
• Zbatojnë metoda pune dhe një seri veprimesh për të kryer detyrat e caktuara.
• Mbikëqyrin ecurinë dhe vazhdimësinë e metodave dhe planeve të punës së përcaktuar.
• Ndihmojnë në identifikimin e kërcënimeve për sigurinë dhe prezantojnë procedurat dhe pajisjet e sigurisë tek punonjësit e tjerë.
• Manovrojnë pajisje të ndryshme që prodhojnë produkte dhe nënprodukte të produkteve të para.
• Montojnë pajisjet dhe materialet sipas procedurës së përcaktuar për të prodhuar produktin final.
• Kryejnë teste laboratorike dhe shënojnë rezultatet në regjistrat përkatës.
• Përgatisin preventivë të detajuar të sasive dhe kostove të materialeve dhe punës së nevojshme për kryerjen e punës me saktësi dhe efikasitet.
• Monitorojnë aspektet teknike, rregullatore dhe ato të sigurisë së ndërtimit, instalimit, manovrimit, mirëmbajtjes dhe riparimit të materialeve dhe pajisjeve.
• Ndihmojnë në dizenjimin dhe planifikimin e materialeve, metodave dhe planeve të punës.
• Respektojnë politikat e brendshme të punës dhe procedurat e hartuara nga Institucioni.
• Zbatojnë kodin e etikës të miratuar nga drejtuesit.
• Zbatojnë rregullat e sigurimit dhe mbrojtjes së shëndetit.
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Zakonisht kërkohet të ketë diplomë nga një shkollë e mesme profesionale; në disa raste një diplomë nga një shkollë e mesme e përgjithshme dhe eksperiencë pune disa vjeçare është gjithashtu e vlefshme.