422Nëpunës të informimit për klientin

Përshkrimi

Nëpunësi i informimit të klientit jep ose merr informacione personalisht, me telefon ose me mjete elektronike në lidhje me udhëtime, përshkrime të produkteve ose shërbimeve të organizatës, regjistrimin e vizitorëve dhe mbledh informacion nga aplikuesit e shërbimeve. Nëpunësi i informimit të klientit jep detaje për itinerarin e udhëtimeve dhe rezervon hotel për klientët; regjistron individët që marrin informacion; jep informacion në lidhje me produktet dhe shërbimet e organizatës si edhe interviston pjesëmarrës në anketime të ndryshme.

Detyrat kryesore

• Informojnë të interesuarit për shërbimet dhe produktet e organizatës;
• Regjistrojnë vizitorët në zyrat e informacionit;
• Presin dhe përcjellin klientë apo vizitorë;
• Informojnë vizitorët për programet dhe iteneraret e udhëtimeve;
• Regjistrojnë klientët për akomodim;
• Informojnë të interesuarit për çmimet për hotele dhe udhëtime;
• Intervistojnë individë të interesuar në anketime të ndryshme;
• Mbajnë shënim orare të ndryshme për takime;
• Kujdesen për operatorin telefonik;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës.

Kërkesat

• Zakonisht kërkohet përfundimi i arsimit të mesëm;
• Të jetë i aftë fizikisht dhe mendërisht me zotësi të plotë për të punuar;
• Të njohë parimet dhe proceset e ofrimit të shërbimit ndaj klientëve;
• Të vlerësojë nevojat e klientëve dhe të plotësojë kërkesat me standardin e duhur;
• Të njohë procedurat administrative dhe sisteme të tilla si përpunimin e fjalëve, mbajtjen e dosjeve dhe të rekordeve;
• Të njohë procedurat e tjera zyrtare;
• Të ketë njohuri elementare të gjuhës angleze apo të gjuhëve të tjera ndërkombëtare.

Informacion shtesë

• Mbarimi i një shkolle të mesme me bazë linguistikën , turizmin apo degë të tjera të ngjashme, jep mundësi për punësime në kompani të mëdha të cilat kanë në fokus informimin e klientit.
• Vazhdimi i mëtejshëm i shkollimit mundëson punësimin në agjenci turistike apo zinxhirë hotelierë kombëtar e ndërkombëtar.