4221Nëpunës centrali telefonik

Përshkrimi

Nëpunësi centrali telefonik operon në centrale telefonik për të vendosur lidhje telefonike, për të marrë kërkesat dhe raportimet me telefon të klientëve dhe regjistron e përcjell mesazhet e tyre në regjistrat brenda institucionit duke i shërbyer në këtë mënyrë klientëve dhe personelit përkatës.

Detyrat kryesore

• Mundësojnë lidhjet telefonike hyrëse dhe dalëse;
• Marrin, transferojnë dhe lidhin telefonatat hyrëse dhe dalëse;
• Përcjellin informacione dhe mesazhe nga telefonuesit;
• Regjistrojnë problemet gjatë telefonatave;
• Dëgjojnë kërkesat dhe raportimet e klientëve telefonues;
• Kontrollojnë për mosfunksionim të rrjetit telefonik dhe informojnë shërbimin e riparimit të defekteve;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës;
• Zbatojnë rregullat e sigurisë në punë.

Kërkesat

• Të jetë i sjellshëm me klientin;
• Të ketë aftësi të mira të dëgjimit;
• Të ketë zërin shumë të pastër në komunikim telefonik;
• Të jetë i aftë të komunikojë në mënyrën e duhur me klientin;
• Kërkohet përfundimi i arsimit të mesëm;
• Të njohë mirë gjuhën shqipe me shkrim e me gojë;
• Zotërimi i nivelit bazik të gjuhës Angleze apo të një gjuhe tjetër e njohur zyrtarisht përbën favor në punësim;
• Të jetë i aftë të punojë me shpejtësinë e kërkuar në situata emergjente;
• Të jetë i aftë fizikisht dhe mendërisht me zotësi të plotë për të punuar.

Informacion shtesë

Nuk ka kërkesa specifike për fillimin e punës, por besueshmëria tek eprorët vendoset me përkushtime seriozitet në punë.