4222Recepsionistë në hotele

Përshkrimi

Recepsionisti në hotel merret me pritjen e klientit, akomodimin dhe përcjelljen e tij nga hoteli duke bërë regjistrimin e klientit, caktimin e dhomës, dhënien e çelësave të dhomës, rezervime dhomash, mbajtjen e inventarit të dhomave në dispozicion, duke dhëne informacione lidhur me shërbimet hoteliere dhe informacione të tjera social kulturore. Ai përgatit faturat dhe kryen marrjen e pagesave përkatëse. Ai mund të punësohet në hotele, organizata të shërbimeve hoteliere apo të vetëpunësohet.

Detyrat kryesore

• Mirëpresin klientët në hotel;
• Mbajnë inventarin e dhomave në dispozicion;
• Regjistrojnë klientët e ardhur;
• Caktojnë dhomën sipas kërkesave të bëra;
• Japin çelësat e dhomës;
• Shoqërojnë klientët në dhomat përkatëse;
• Japin informacione në lidhje me shërbimet hoteliere dhe shërbime të tjera në komunitet;
• Japin informacione të ndryshme social-kulturore klientëve ose broshura të ndryshme informative;
• Sigurojnë informacione në lidhje me disponueshmërinë e strehimit dhe bëjnë rezervime dhomash apo aktivitetesh hoteliere;
• U përgjigjen kërkesave të klientëve për shërbimet e mirëmbajtjes si dhe të ankesave të tyre;
• Komunikojnë me kolegë të sektorëve të mirëmbajtjes në raport me problemet apo ankesat e bëra;
• Hartojnë dhe kontrollojnë faturat e llogarive duke përdorur sisteme të kompjuterizuara ose manuale;
• Pranojnë dhe përcjellin mesazhe personave të duhur duke përdorur telefonin ose centralin telefonik;
• Rishikojnë shënimet përkatëse për klientët, për oraret e nisjes apo kërkesa të tjera;
• Kryejnë marrjen e pagesës së faturave;
• Përcjellin klientët duke dhënë ndihmën e duhur për transport ose kërkesa të tjera të tyre;
• Zbatojnë rregullat e sigurimit teknik dhe të mbrojtjes së mjedisit;
• Bëjnë preventiv për shërbimet e ndryshme që realizohen në njësinë e biznesit;
• Mbikëqyrin punëtorët e tjerë.

Kërkesat

• Zakonisht kërkohet përfundimi i një shkolle profesionale në këtë fushë;
• Të ketë kryer një kurs formimi profesional për këtë profesion.
• Të ketë një eksperiencë paraprake në këtë fushë
• Të jetë i aftë fizikisht dhe mendërisht.
• Të zotërojë dy gjuhë të huaja

Informacion shtesë

• Një individ mund të hyjë në profesion si ndihmës punëtor. Me eksperiencë dhe me kualifikim shtesë mund të kalojë në nivelin punëtor i kualifikuar. Më pas nëpërmjet kualifikimit të mëtejshëm në shkollat profesionale apo trajnimit nëpërmjet punës, një recepsionist në hotele mund të ndërmarrë disa funksione mbikëqyrëse duke ngritur shkallët e karrierës në manaxheri në një hotel.
• Për të zhvilluar aktivitet privat (vetëpunësim) në këtë fushë duhet regjistrim për ushtrim aktiviteti si person fizik apo juridik, sipas rastit.