4226Recepsionistë (të përgjithshëm)

Përshkrimi

Recepsionisti (i përgjithshëm) merret me pritjen, akomodimin, shoqërimin dhe përcjelljen e klientëve, vizitorëve, të ftuarve etj. duke bërë regjistrime, caktim oraresh, rezervime takimesh apo duke dhënë informacione lidhur me shërbimet e ndryshme që kryhen në njësinë e tij të shërbimit ose informacione të tjera shtesë kur është e nevojshme. Ai përgatit faturat dhe kryen marrjen e pagesave përkatëse. Ai mund të punësohet në ferma, kompani shërbimesh, institucione, klinika të ndryshme, zyra informacioni etj.

Detyrat kryesore

• Presin klientët në njësinë e vet të shërbimit;
• Mbajnë shënime lidhur me oraret e takimeve në dispozicion;
• Regjistrojnë klientët, vizitorët e ardhur;
• Drejtojnë klientët, vizitorët për në vendndodhjen apo personin e përshtatshëm;
• Shoqërojnë klientët në zyrat përkatëse;
• Japin informacione lidhur me shërbimet e ndryshme që kryhen në njësinë e tyre;
• Përdorin pamflete, broshura dhe forma të tjera informative në shërbim të klientëve;
• Hartojnë dhe kontrollojnë faturat e llogarive duke përdorur sisteme të kompjuterizuara ose manuale;
• Pranojnë dhe i ‘u përcjellin mesazhe personave të duhur duke përdorur telefonin ose centralin telefonik;
• Rishikojnë shënimet përkatëse për klientët, për oraret apo kërkesa të tjera të tyre;
• Kryejnë marrjen e pagesës së faturave;
• Bëjnë llogaritjet e faturave dhe dorëzimin e tyre në arkën, zyrën përkatëse;
• Përcjellin klientët duke dhënë ndihmën e duhur për transportin ose kërkesa të tjera të tyre kur e kërkon njësia e shërbimit;
• Mbikëqyrin punëtorët e tjerë:
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Zakonisht kërkohet përfundimi i një shkolle profesionale në këtë fushë;
• Të ketë kryer një kurs formimi profesional për këtë profesion.
• Të ketë një eksperiencë paraprake në këtë fushë
• Të jetë i aftë fizikisht dhe mendërisht.
• Të zotërojë gjuhë të huaja

Informacion shtesë

• Një individ mund të hyjë në profesion si ndihmës punëtor. Me eksperiencë dhe me kualifikim shtesë mund të kalojë në nivelin punëtor i kualifikuar. Më pas nëpërmjet kualifikimit të mëtejshëm në shkollat profesionale apo trajnimit nëpërmjet punës, një recepsionist mund të ndërmarrë disa funksione mbikëqyrëse duke ngritur shkallët e karrierës në manaxheri në një njësi shërbimi.
• Për të zhvilluar aktivitet privat (vetëpunësim) në këtë fushë duhet regjistrim për ushtrim aktiviteti si person fizik apo juridik, sipas rastit.