712Punëtorë të tjerë të punimeve të finiturës në ndërtimit

Përshkrimi

Punonjës të tjerë të punimeve të finiturës në ndërtim mbulojnë, lyejnë ose instalojnë, mirëmbajnë ose riparojnë çatitë, dyshemetë, muret dhe sistemet e izolimit, xhamat e dritareve ose të kornizave të tjera si dhe bëjnë punime hidraulike, të mirëmbajtjes së sistemeve të tubacioneve, mirëmbajtje të tubacioneve elektrike në godina dhe në struktura të tjera.

Detyrat kryesore

• Kryejnë mbulimin e kornizave të çative me një ose disa lloje materialesh sipas projektit të paracaktuar;
• Kryejnë instalimin e parketit dhe të llojeve të tjera të dyshemeve dhe mureve me pllaka ose panele mozaik;
• Shtrojnë pllaka në dysheme apo veshin mure të ndryshme me pllaka;
• Vendosin suva në mure dhe në tavane;
• Vendosin material izolues në mure, dysheme, soleta dhe në çati;
• Presin, përshtatin dhe vendosin xhamat në dritare ose hapësira të tjera;
• Instalojnë sisteme hidraulikë dhe tubacione të ndryshme;
• Instalojnë dhe riparojnë kondicionerë dhe sisteme ftohëse-ngrohëse;
• Mirëmbajnë ose riparojnë çatitë, dyshemetë, muret dhe sistemet e izolimit, xhamat e dritareve, etj.;
• Mbikëqyrin punonjës të tjerë në kuadër të detyrave të tyre.

Kërkesat

• Zakonisht kërkohet përfundimi i një kualifikimi profesional për këtë profil;
• Të jetë e/i aftë fizikisht dhe mendërisht;
• Të ketë njohuri në përdorimin e mjeteve të tjera të ngjashme.

Informacion shtesë

Një individ mund të hyjë në profesion si ndihmës punëtor. Me fitimin e eksperiencës dhe me kualifikimin shtesë mund të kalojë në nivelin punëtor i kualifikuar. Më pas nëpërmjet kualifikimit të mëtejshëm në shkollat profesionale apo trajnimit nëpërmjet punës, një punonjës i punimeve të finiturës në ndërtim mund të ndërmarrë disa funksione mbikëqyrëse duke ngritur shkallët e karrierës.

Për të zhvilluar aktivitet privat (vetëpunësim) për punimet e finiturës në ndërtim duhet regjistrimi për ushtrim aktiviteti si person fizik ose juridik, sipas rastit.

Të ketë njohuri për punimet e finiturës në ndërtim.