7126Hidraulikë në banesa dhe ujësjellës

Përshkrimi

Hidrauliku/janë banesa dhe ujësjellësmerret me ndërtime, montime, instalime, riparime dhe mirëmbajtje të sistemit hidraulik, të sistemit të ujësjellës kanalizimeve, të sistemit të ujitjes, sistemeve të ngrohje-ftohjes, të sistemeve hidraulike të objekteve të prodhimit industrial dhe objekte të tjera që përdorin sisteme hidraulike të ngjashme. Ai/Ajo monton, instalon, riparon dhe mirëmban pajisjet dhe aksesorët për ujë, gaz, kullim, kanalizim, pajisje të sistemeve të ngrohje-ftohjes, pajisje pneumatike etj. Ai/Ajo mund të punësohet në kompani të ndryshme ndërtimi, në shoqëri që kanë reparte të shërbimit hidraulik dhe të vetëpunësohet.

Detyrat kryesore

• Studiojnë projektin hidraulik të objektit;
• Ballafaqojnë projektin me objektin konkret në terren;
• Bëjnë preventivin e bazës materiale për punën që do të kryejnë (për ujësjellës, shkarkime, aspirime, të sistemeve të ngrohje-ftohjes, kullimeve etj.).
• Përcaktojnë radhën e punës në objekt;
• Kryejnë matjet, prerjet, filetimet, lakimet, bashkimet, montimet përkatëse të nevojshme të tubave apo materialeve të tjera;
• Bëjnë vijëzim dhe hapje kanalesh;
• Instalojnë rrjetin kryesor të ujësjellësit;
• Montojnë kolonat e shkarkimit, aspirimit dhe zjarrfikësve,
• Vendosin tubat e shkarkimeve të ballkoneve e tarracave sipas kuotave të lartësisë;
• Montojnë sistemin e pompimit sipas projektit;
• Bëjnë instalimin e ujësjellësit në apartament sipas projektit;
• Bëjnë veshjen e tubave me material termoizolues;
• Bëjnë instalimin e shkarkimeve në apartament duke bërë kujdes në kuotat;
• Kryejnë instalimet e aspirimit të banjës dhe kuzhinës;
• Kryejnë testimin e tubave të ujit me pompë presioni;
• Bëjnë montimin e pajisjeve hidro-sanitare dhe aksesorëve të ndryshëm;
• Kryejnë instalimin e pajisjeve të gazit (kur e kërkon projekti);
• Bëjnë instalimin e sistemit të ngrohje-ftohjes (kaldajës dhe radiatorëve);
• Bëjnë kolaudimin përfundimtar të sistemit të ngrohje-ftohjes;
• Kryejnë izolime apo përforcime me izolues të ndryshëm, argjile, beton sipas kushteve teknike të kërkuara nga projekti për llojet e ndryshme të tubacioneve;
• Bëjnë kolaudimin përfundimtar të pajisjeve dhe aksesorëve të ndryshëm;
• Kryejnë shërbime të mirëmbajtjes periodike;
• Bëjnë provën e sistemit;
• Bëjnë dorëzimin përfundimtar të objektit sipas projektit;
• Realizojnë detyra të tjera të ngjashme;
• Mbikëqyrin punimet e realizuara nga punëtorët e tjerë;
• Zbatojnë rregullat e sigurimit teknik dhe të mbrojtjes së mjedisit;
• Bëjnë preventive për shërbimet e ndryshme që realizohen në njësinë e biznesit

Kërkesat

• Zakonisht kërkohet përfundimi i një kualifikimi profesional për këtë profesion.
• Të jetë e/i aftë fizikisht dhe mendërisht.

Informacion shtesë

Një individ mund të hyjë në këtë profesion si ndihmës punëtor. Me fitimin e eksperiencës dhe me kualifikim shtesë mund të kalojë në nivelin punëtor i kualifikuar. Më pas nëpërmjet kualifikimit të mëtejshëm në shkollat profesionale dhe teknike apo trajnimit nëpërmjet punës ky ndihmës mund të ndërmarrë disa funksione mbikëqyrëse duke ngritur shkallët e karrierës në nivel tekniku. Ndjekja e shkollës së lartë çon në diplomimin e specialistëve të këtij profesioni në nivelin inxhinier hidroteknik, inxhinier mjedisi-trajtim ujërash, inxhinier për sistemet e ujitjes.

Për të zhvilluar një aktivitet privat (vetëpunësim) në fushën e hidraulikës duhet regjistrimi për ushtrim aktiviteti si person fizik apo juridik, sipas rastit.

Punonjësit në këtë profesion mund të specializohen në fushat e mëposhtme; bashkues tubash hidraulik apo hidrosanitare, hidraulik për instalim të sistemit të ujitjes, hidraulik për kanalizim, hidraulik për ventilim, hidraulik për objekte të prodhimit industrial, hidraulik për sisteme të ngrohje-ftohjes.