962Punëtorë të shërbimeve të tjera elementare

Përshkrimi

Punëtorët e shërbimeve të tjera elementare transmetojnë dhe shpërndajnë mesazhe dhe paketa të ndryshme, grumbullojnë paratë dhe xhetonat në makinat e shitjeve në rrugë dhe institucione apo parqe lodrash. Ata lexojnë aparatet matëse të ujit, gazit dhe energjisë elektrike, duke regjistruar konsumin e tyre. Bëjnë fshirjen e rrugëve dhe ambienteve të tjera publike apo pastrimin dhe zhbllokimin e pusetave dhe kanaleve. Ata kontrollojnë dhe ruajnë linjat e telefonit apo linjat hekurudhore. Ata mund të punësohen në kompani shërbimesh të ndryshme apo të vetëpunësohen.

Detyrat kryesore

• Ofrojnë dhe transmetojnë mesazhe;
• Shpërndajnë gazeta, paketa apo sende të tjera brenda ose midis institucioneve;
• Mbajnë bagazhe të ndryshme në hotele apo institucione të tjera;
• Mbledhin paratë nga kontejnerët apo aparatet e tregtimit në rrugë apo institucione;
• Sistemojnë dhe mbushin makinat, aparatet e shitjes në rrugë;
• Grumbullojnë xhetonat në makina shitjeje apo në parqet e lodrave të fëmijëve;
• Lexojnë aparatet matëse të ujit, energjisë elektrike, gaz duke regjistruar konsumin e tyre;
• Shesin biletat dhe mbledhin paratë për shërbimet e kryera në autobusë, tren etj;
• Shpërndajnë biletat për parkim apo ngjarje të tjera në rrugë apo vende publike;
• Llogaritin pagesat e shërbimeve të kryera;
• Kryejnë shërbime të tjera elementare në rrugë si p.sh. zhbllokime dhe pastrime pusetash e kanalesh, fshirje të rrugëve etj;
• Kontrollojnë, ruajnë linjat telefonike apo hekurudhore;
• Realizojnë detyra të tjera të ngjashme;
• Mbikëqyrin punëtorët e tjerë;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Zakonisht kërkohet përfundimi i arsimit bazë.
• Të jetë e/i aftë fizikisht dhe mendërisht.