96Mbledhës plehrash dhe punëtorë të shërbimeve të tjera elementare

Përshkrimi

Mbledhësit e plehrave dhe punëtorë të shërbimeve të tjera elementare kryejnë mbledhjen ngarkimin, shkarkimin dhe transportimin e mbeturinave, seleksionimin e tyre. Punëtorët e shërbimeve të tjera elementare shpërndajnë lajme, mesazhe, telegram apo letrat e tjera, lexojnë aparate matëse, kontrollojnë bileta, linja telefonike, linja hekurudhore, ç ‘bllokojnë dhe pastrojnë kanale dhe puseta. Ata kryejnë punë që kërkojnë aftësi fizike dhe pak njohuri. Ata mund të punësohen në kompani shërbimesh publike apo të vetëpunësohen.

Detyrat kryesore

• Mbledhin plehra dhe mbeturina në rrugë, parqe dhe vende të tjera publike;
• Ngarkojnë, shkarkojnë dhe transportojnë mbeturina;
• Seleksionojnë dhe ndajnë mbeturinave sipas llojit;
• Kryejnë grumbullim dhe ambalazhim të materialeve të riciklueshme, si p.sh. letër, qelq, plastikë, llamarine etj;
• Ngarkojnë, shkarkojnë dhe transportojnë dru zjarri;
• Transportojnë dhe mbajnë bagazhet (hamall);
• Shpërndajnë lajme, mesazhe, telegrame apo letra të tjera;
• Lexojnë aparate të ndryshme matëse;
• Kryejnë marrjen e pagesës dhe kontrollin e biletave në autobus, në tren, në parqet e lodrave të fëmijëve;
• Kryejnë kontrollin e biletave dhe sigurojnë rregull në institucione të aktiviteteve të ndryshme;
• Kryejnë fshirjen e rrugëve dhe ambienteve të tjera;
• Ç’ bllokojnë dhe pastrojnë kanale, puseta;
• Kontrollojnë dhe mirëmbajnë linja telefoni;
• Kontrollojnë dhe mirëmbajnë linja hekurudhore;
• Kryejnë detyra të tjera të ngjashme;
• Mbikëqyrin punëtorët e tjerë;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Zakonisht kërkohet përfundimi i arsimit të detyruar.
• Të jetë e/i aftë fizikisht dhe mendërisht.