9621Postierë, hamallë, etj.

Përshkrimi

Postieri, hamalli, etj... shpërndan pako duke ecur në këmbë, me biçikletë, motoçikletë, automobil, apo me mjet publik; transporton bagazhe, shpërndan mesazhe, njoftime, lajmërime apo sende të tjera brenda një institucioni ose midis institucioneve, si edhe për familjet apo gjetkë. Ai kryen transportin e bagazheve për në hotele, stacione treni apo në drejtim të aeroporteve.

Detyrat kryesore

• Dërgojnë mesazhe, paketa dhe sende të tjera brenda një institucioni ose në mes të institucioneve, apo diku tjetër;
• Kryejnë detyra të një korrieri postar;
• Dërgojnë dhe marrin mallra të ndryshme prej ndërmarrjeve, dyqaneve, familjeve dhe vendeve të tjera;
• Kryejnë dorëzimin e bagazheve në hotele, stacione, aeroporte dhe vende të tjera;
• Pranojnë dhe bëjnë me shenjë bagazhet duke bashkangjitur kontrollet e kërkuara;
• Planifikojnë dhe ndjekin rrugën më efikase për në destinacion;
• Ndajnë artikuj që dorëzohen sipas rrugës që do të shpërndahen;
• Ngasin, manovrojnë, mjete motorike apo pajisje të mekanizuara;
• Marrin informacion nga të gjitha burimet e mundshme;
• Mbajnë shënime për punën e kryer.
• Kryejnë punë të tjera të tilla të ngjashme;
• Zbatojnë rregullat e sigurimit dhe mbrojtjes së shëndetit në punë;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Të jetë e/i aftë të përballojë punën me turne.
• Të jetë e/i aftë të punojë në kushte të ndryshme të motit në ambiente të hapura.
• Të ketë aftësi fizike për ngritje e zbritje peshash nga lartësi të caktuara.
• Të dijë të vlerësojë nevojat e klientit.
• Të plotësojë standardet e shërbimit.
• Të njohë mirë mjete dhe pajisjet që përdor në kryerjen e këtij shërbimi.

Informacion shtesë

Përbën avantazh njohja e terminologjisë së shkruar të gjuhëve të huaja bazë për shërbimin që kryen.

Të njohë parimet dhe mënyrat për transportin e mallrave me avionë, anije, hekurudhë apo nëpërmjet transportit rrugor.