9Punëtorë (Profesione elementare)

Përshkrimi

Profesionet elementare përbëhen nga detyra të thjeshta dhe rutinë të cilat kryesisht kërkojnë përdorimin të mjeteve të dorës dhe shpesh disa përpjekje fizike. Shumica e profesioneve në këtë grup kryesor kërkon shkathtësi të nivelit të parë të shkathtësive sipas LKP.

Detyrat kryesore

• Shesin mallra në rrugë dhe vendet publike ose derë më derë;
• Sigurojnë shërbime të ndryshme të rrugës;
• Kryejnë pastrim, larje, hekurosje etj;
• Kujdesen për apartamente e shtëpi, hotele, zyra dhe ndërtesa të tjera;
• Kryejnë pastrimin e dritareve dhe sipërfaqeve të tjera të xhamave të ndërtesave;
• Shpërndajnë mesazhe apo mallra;
• Mbajnë dhe transportojnë bagazhe;
• Sigurojnë ruajtjen e pasurisë;
• Grumbullojnë apo shpërndajnë mallra në makinat e shitjes;
• Kryejnë leximin e aparateve të ndryshme matëse;
• Mbledhin dhe pastrojnë mbeturinat;
• Kryejnë fshirjen e rrugëve dhe vendeve të ngjashme;
• Kryejnë punë të ndryshme bujqësore, peshkimi, gjuetie apo vënien e kurtheve;
• Kryejnë detyra të thjeshta në miniera, ndërtim dhe fabrika për klasifikimin e produkteve dhe grumbullimin e përbërësve me dorë;
• Kryejnë paketim me dorë;
• Kryejnë ngarkim-shkarkim me krahë;
• Drejtojnë me pedale apo me dorë pajisje për transportin e udhëtarëve dhe mallrave;
• Drejtojnë automjete, pajisje apo makineri të tërhequra nga kafshët;.
• Mbikëqyrin të tjerët.

Informacion shtesë

Profesionet elementare përbëhen nga detyra të natyrës së thjeshtë dhe rutinë, të cilat kryesisht kërkojnë përdorimin e mjeteve të dorës dhe shpesh disa përpjekje fizike. Kërkohet pak ose aspak përvojë e mëparshme apo njohuri për punë, si dhe iniciativë të kufizuar për kryerjen e tyre. Shumica e profesioneve në këtë grup kryesor kërkon shkathtësi të nivelit të parë të shkathtësive sipas LKP.

Marrja e licencës për të kryer aktivitet të biznesit të vogël, kryhet sipas kuadrit ligjor në fuqi.