524Punonjës të tjerë shitje

Përshkrimi

Punonjësit e tjerë të shitjeve merren me pritjen e klientit duke dhënë informacione lidhur me produktet dhe shërbimet për shitje, duke i prezantuar artikujt apo duke i demonstruar ato. Ata kryejnë shitje derë më derë ose duke përdorur telefonin apo forma të tjerë të komunikimeve, shpërndajnë mallra me pakicë sipas porosive të marra. Ata kryejnë marrjen e pagesave për mallra ose shërbime të kryera, regjistrime apo faturime për parat, çmimet apo shërbime të tjera duke i dhënë klientit faturën përkatëse. Ata mund të punësohen në kompani shërbimesh tregtare, apo të vetëpunësohen.

Detyrat kryesore

• Kryejnë parapërgatitjen për fillimin e punës;
• Kryejnë prezantimin e artikujve për shitje duke demonstruar, duke paraqitur për fotografime, filmime dhe video reklamash;
• Kryejnë ekspozim të veshjeve;
• Këshillojnë klientin dhe iu përgjigjen pyetjeve duke ofruar informacion mbi produktin apo mbi përdorimin e mallrave dhe shërbimeve;
• Kryejnë shitje të mallrave dhe shërbimeve duke ofruar mënyra të ndryshme pagese;
• Ofrojnë transport të produkteve sipas procedurave të paracaktuara;
• Kryejnë shitje duke shkuar derë më derë ose duke përdorur telefonin apo forma të tjera të komunikimeve elektronike;
• Shpërndajnë mallra me pakicë sipas porosive të marra;
• Lëshojnë faturën ose biletën përkatëse për shërbimin e kryer;
• Bëjnë numërimin dhe regjistrimin parave të marra ose të paguara;
• Hartojnë dhe kontrollojnë faturat e llogarive duke përdorur sisteme të kompjuterizuara ose manuale;
• Bëjnë llogaritje të faturave dhe dorëzimin e tyre në arkën, zyrën përkatëse;
• Mbajnë llogaritë, bilancin e parave si dhe ato të shërbimeve të kryera;
• Kontrollojnë dhe përgatitin formularë të parave dhe dokumente të tjera, për depozitimin e tyre në bankë;
• Bëjnë bilance ditore, mujore, vjetore të punës së kryer në njësinë e vet të shërbimit;
• Kryejnë shërbime të tjera përfundimtare ndaj klientit (vendosjen e mallrave në qese);
• Realizojnë detyra të tjera të ngjashme;
• Mbikëqyrin punëtorët e tjerë;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Zakonisht kërkohet përfundimi i arsimit të mesëm.
• Të ketë aftësi të mira komunikimi.
• Te njohë teknikat e shitjes.
• Të jetë e/i aftë fizikisht dhe mendërisht.

Informacion shtesë

Për të zhvilluar aktivitet privat (vetëpunësim) në këtë fushë duhet regjistrimi për ushtrim aktiviteti si person fizik apo juridik, sipas rastit.