5245Punonjës të shitjeve në njësi shërbimi

Përshkrimi

Punonjës shitje në pika furnizimi me karburant shesin karburant, lubrifikues dhe pjesë të tjera për makina si edhe ofrojnë shërbime të tilla si mbushjen e serbatorit me karburant, pastrimin e pjesëve të ndotura, mbushjen me vaj si edhe riparime të tjera të vogla si ndërrimi i llambave të ndriçimit, fryrja dhe ndërrimi i gomave etj.

Detyrat kryesore

• Mbushin depozitën e makinave me karburant sipas kërkesës së klientit;
• Kontrollojnë nivelin e presionit të ajrit në goma, kontrollojnë nivelin e vajit dhe nivelet e lëngjeve të tjera;
• Sipas kërkesës, pastrojnë apo fshijnë xhamat e makinave në të gjitha anët;
• Kryejnë riparime të vogla si zëvendësimin e gomave, ndriçuesit apo fshirëset e xhamit;
• Administrojnë pagesat që realizohen prej shitjes së sendeve që kërkojnë klientët;
• Mbikëqyrin gjendjen e mallit dhe përgatitin raportime mbi sasinë e karburantit, vajit të makinës, pjesëve të këmbimit dhe sendeve të tjera që shiten sipas kërkesës së klientit;
• Kontrollojnë nivelin e presionit të ajrit në gomat e makinave, nivelin e vajit, nivelin e ujit në radiator, gjendjen e baterisë dhe i plotësojnë ato sipas kërkesave;
• Pastrojnë vendqëndrimet e makinave, zyrat dhe ambientet e tjera funksionale në pika furnizimi me karburant;
• Shesin, instalojnë dhe karikojnë bateri, vendosin fshirëse xhamash, llamba ndriçimi etj.
• Shesin ushqime të parapërgatitura, ushqime të paketuara dhe sende të tjera të lidhura me ato;
• Ndihmojnë klientët me informacion për gjendjen në rrugët dhe autostradat përkatëse;
• Zbatojnë rregullat në mbrojtje të mjedisit dhe shëndetit të njerëzve;
• Zbatojnë rregullat e etikës në vendin e punës;
• Zbatojnë rregullat e sigurimit teknik në punë.

Kërkesat

• Të ketë kualifikim profesional në fushën përkatëse.
• Të jetë e/i shkathët në ndihmë të klientëve.
• Të jetë e/i kujdesshëm në mirëmbajtjen e pajisjeve të punës.
• Të ketë njohuri të thjeshta në riparimin e makinave kryesisht në zëvendësimin e pjesëve të gatshme.
• Të jetë e/i aftë të dëgjojë me durim e të kuptojë kërkesat e klientëve.
• Të dijë të kuptojë kur diçka nuk shkon mirë dhe të vlerësojë madhësinë e problematikës që paraqitet.
• Të jetë e/i shkathët dhe i fortë në përdorimin e duarve.
• Të ketë aftësi të shikojë mirë në distancë të afërt.
• Të njohë parimet dhe proceset në ofrimin e shërbimeve ndaj klientëve.
• Të dijë të vlerësojë nevojat e klientit duke përmbushur standardet e shërbimit.
• Të dijë të vlerësojë se sa i kënaqur mbetet klienti.
• Të njohë parimet e promovimit dhe shitjes së produkteve dhe të shërbimeve.

Informacion shtesë

Njohja e mirë e shërbimeve ndaj klientit jep përparësi në punësim.

Eksperienca të mëparshme në punë të ngjashme në shitje të mallrave dhe shërbimeve është element favorizues.

Ndjekja e trajnimeve dhe kualifikimeve në fushën e shitjeve të mallrave dhe shërbimeve e bën individin më të qëndrueshëm vendin e punës.

Për të zhvilluar aktivitet privat (vetëpunësim) në këtë fushë duhet regjistrimi për ushtrim aktiviteti si person fizik apo juridik, sipas rastit.