933Punëtorë të transportit dhe ngarkim-shkarkimi

Përshkrimi

Punëtorët e transportit dhe ngarkim-shkarkimit të mallrave drejtojnë mjete me rrota dhe të ngjashme, mjetet transporti të tërhequra nga kafshët, makineri apo pajisje të thjeshta transporti për zhvendosjen e mallrave, njerëzve apo bagazheve. Ata kryejnë punë të thjeshta krahu në ngarkim-shkarkimin, sistemin apo paketimin e mallrave në fusha të ndryshme. Ata mund të punësohen në kompani shërbimesh pastrimi, në hotele, në porte, hekurudhë apo institucione të ndryshme ku kryhen punime të ngarkim-shkarkimit apo të vetëpunësohen.

Detyrat kryesore

• Drejtojnë mjete me rrota dhe mjete të ngjashme të tërhequra nga kafshët;
• Drejtojnë, ngasin makina të thjeshta transporti (jo motorike) të pasagjerëve apo mallrave, makineri apo pajisje të transportit të bagazheve;
• Kryejnë ngarkim-shkarkim të mbetjeve urbane me pajisje të thjeshta;
• Kryejnë ngarkim-shkarkim të materialeve të ndërtimit me pajisje të thjeshta;
• Kryejnë ngarkim-shkarkim në anije me pajisje të thjeshta;
• Kryejnë ngarkim-shkarkim në avion me pajisje të thjeshta;
• Kryejnë ngarkim-shkarkim në kamionë me pajisje të thjeshta;
• Kryejnë ngarkim-shkarkim në trena, në hekurudhë me pajisje të thjeshta;
• Kryejnë ngarkim-shkarkim të prodhimeve apo materialeve në bujqësi me pajisje të thjeshta;
• Bëjnë ngarkim-shkarkim të produkteve ushqimore;
• Kryejnë ngarkim-shkarkim të mobilieve apo pajisjeve të tjera;
• Kryejnë punime të ndryshme për sistemim malli në vitrina apo rafte të ndryshme apo magazina;
• Kryejnë punime të ndryshme për sistemim dhe paketim malli për transport;
• Realizojnë detyra të tjera të ngjashme;
• Mbikëqyrin punëtorët e tjerë;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Zakonisht kërkohet përfundimi i arsimit të detyruar.
• Të jetë e/i aftë fizikisht dhe mendërisht.