9331Drejtues të makinave me pedale dhe me dorë

Përshkrimi

Drejtues të makinave me pedale dhe me dorë transporton mallra dhe njerëz duke përdorur duart dhe këmbët për të vënë në lëvizje këto makina.

Detyrat kryesore

• Ngarkojnë apo shkarkojnë mallrat prej mjetit që drejtohet me dorë apo me pedale;
• Ndihmojnë pasagjerët për të hipur apo zbritur prej mjetit përkatës që drejtohet me dorë apo me pedale;
• Lëvizin mjetet që drejtohen me dorë apo me pedale në drejtimin e duhur duke i respektuar rregullat e trafikut;
• Inspektojnë pjesë të ndryshme të mjeteve që drejtohen me dorë apo me pedale për të identifikuar konsumimin apo dëmtime të ndryshme;
• Mirëmbajnë mjetin që drejtohet me dorë apo me pedale, duke bërë riparime të vogla dhe duke zëvendësuar me pjesë këmbimi;
• Mbledhin biletat apo faturat për pagesa të ndryshme nga puna me mjete që drejtohen me dorë dhe pedale;
• Kryejnë punë të tjera të ngjashme si këto;
• Zbatojnë rregullat në mbrojtje të mjedisit dhe shëndetit të njerëzve;
• Zbatojnë rregullat e sigurimit teknik gjatë punës.

Kërkesat

• Të ketë mbaruar arsimin e detyrueshëm shtetëror.
• Të ketë marrë lejen e qarkullimit për të drejtuar mjete që drejtohen me dorë apo me pedale.
• Të koordinojë shumë mirë veprimet e syve me veprimet e duarve dhe të këmbëve.
• Të ketë dëgjim shumë të mirë si një detyrim i plotë.
• Të jetë e/i fuqishëm pasi drejton në distanca të gjata dhe ngarkon e shkarkon ngarkesa të ndryshme.
• Të ketë shikim shumë të mirë për të parë e kontrolluar çdo lëvizje në rrugë.
• Të njohë mirë hartën e sistemit rrugor si edhe sinjalistikën përkatëse.
• Të jetë e/i përpiktë për të arritur në destinacion në kohën e duhur.

Informacion shtesë

Mjetet që drejtohen me dorë dhe pedale kërkojnë leje qarkullimi të një kategorie të caktuar.

Eksperienca fitohet gjatë punës si edhe mbi bazën e kurseve dhe trajnimeve.

Punësimi është i mundshëm në shpërndarjen e postës, picave, apo materialeve dhe proceseve të ngjashme me ato.

Mbarimi i shkollës së mesme përbën element favorizues.