51Punonjës të shërbimeve personale

Përshkrimi

Punonjësit e shërbimeve personale kryejnë shërbime dhe mbrojtje vetiake që lidhen me administrimin, apo mirëmbajtjen e shtëpisë, hotelit, apo të njësisë së shërbimeve, merren me përgatitje dhe shërbimin e ushqimit dhe të pijeve. Ata kujdesen për fëmijët, japin kujdes fillestar të nevojshëm të infermierisë në shtëpi ose në institucione, kryejnë shërbime të kujdesit vetiak siç janë rregullimi i flokëve, apo trajtimet e bukurisë, balsamimi, shërbimet mortorë, mbrojtja e njerëzve dhe e pasurisë nga zjarri dhe veprimet e paligjshme si edhe kontrolli i zbatimit të ligjit dhe të rendit. Ata mund të punësohen në kompani të shërbimeve vetiake, të shërbimeve të mbrojtjes, të ruajtjes së rendit, apo të vetëpunësohen.

Detyrat kryesore

• Organizojnë shërbime gjatë udhëtimit, në shtëpi, në hotel, restorant, etj.,
• Ofrojnë shërbime gjatë udhëtimit, në shtëpi, në hotel, restorant, etj.,
• Përgatitin dhe shërbejnë ushqim dhe pije,
• Japin kujdes vetiak dhe shëndetësor në shtëpi ose në institucione,
• Pastrojnë, administrojnë, apo mirëmbajnë shtëpinë,
• Japin kujdes për fëmijët,
• Kryejnë trajtime bukurie si dhe rregullim të flokëve,
• Kryejnë balsamim dhe rregullime në shërbimet mortorë,
• Kryejnë mbrojtjen e njerëzve dhe të pasurisë nga zjarri dhe nga veprimet e paligjshëm,
• Ruajnë rendin dhe qetësinë publike duke u kujdesur për zbatimin e ligjit,
• Pastrojnë dhe mirëmbajnë vendin, mjetet dhe pajisjet e punës,
• Kryejnë detyra të tjera të ngjashme,
• Mbikëqyrin punëtorët e tjerë,
• Zbatojnë rregullat e sigurisë teknike dhe të mbrojtjes së mjedisit.

Kërkesat

• Zakonisht kërkohet që të kenë përfunduar një shkollë profesionale në fushën përkatëse,
• Të kenë kryer një kurs formimi të specializuar për këtë profesion,
• Të jenë të aftë fizikisht dhe mendërisht.