216Arkitektë, projektues, studiues dhe dizenjues

Përshkrimi

Arkitektët, projektuesit, studiuesit dhe dizenjuesit merren me matje, studim, projektim, planifikim apo dekorim të hapësirave, ndërtimeve për zhvillimin urban dhe trafikut rrugor. Ata aplikojnë njohuritë e tyre, japin zgjidhjet më të mira për problemet lidhur me funksionet dhe cilësinë e mjedisit të brendshëm dhe të jashtëm të ndërtesave, duke bërë projekte, skica e plane të nevojshme. Ata kryejnë dizenjime apo dekorime grafike në multimedia, mbikëqyrin proceset e punës në fushat përkatëse për të siguruar përshtatshmërinë me specifikimet e bëra. Ata mund të punësohen në kompani të ndryshme biznesit, në fushën e ndërtimeve studimeve dhe projektimeve, në kompani dekorimesh grafike të multimedial, etj. apo të vetëpunësohet.

Detyrat kryesore

• Inspektojnë vendin e punës dhe duke u këshilluar me klientët rekomandojnë lidhur me stilin dhe aspektet e tjera të ndërtimit;
• Kryejnë projektimin e ndërtesës, përgatitjen e skicave dhe planeve të hollësishme për ndërtim;
• Identifikojnë gjetjet dhe zgjidhjet më të mira për problemet lidhur me funksionet dhe cilësinë e mjedisit të brendshëm të ndërtesave duke bërë projekte, skica dhe plane të nevojshme;
• Monitorojnë ndërtimin për të siguruar përshtatshmërinë me specifikimet e bëra;
• Kryejnë planifikime dhe projektime për koordinimin e zhvillimin e zonave urbane;
• Kryejnë planifikim dhe projektim të territorit lidhur me zhvillimin e zonave të ndryshme;
• Kryejnë planifikime dhe këshillime lidhur me trafikun rrugor, kontrollin e efikasitetit dhe sigurisë në rrugë;
• Përgatisin ose koordinojnë të gjithë dokumentacionin e duhur tekniko–ligjor;
• Përgatisin dokumente shkencore dhe raporteve të ndryshme;
• Kryejnë matje të hapësirave dhe përgatisin apo rishikojnë harta, skica, diagrame, ilustrime sipas porosive të marra;
• Kryejnë dekorime dhe zbukurime të ambienteve të brendshme apo të jashtme;
• Formulojnë dhe zbatojnë koncepte projektimi dhe plane për të harmonizuar aspektet estetike me ato teknike, funksionale, ekologjike etj.;
• Analizojnë aspektet funksionale, hapësinore, tregtare, kulturore, të sigurisë mjedisore dhe kërkesat estetike dhe kryejnë dokumentime përkatëse;
• Kryejnë dizenjime apo dekorime grafike në multimedia, në kinema apo skena të ndryshme;
• Realizojnë detyra të tjera të ngjashme;
• Mbikëqyrin punëtorët e tjerë.
• Hartojnë dhe zbatojnë rregullat e sigurimit teknik dhe të mbrojtjes së mjedisit.

Kërkesat

• Kërkohet përfundimi i arsimit të lartë dhe i licencës për ushtrim profesioni sipas kuadrit ligjor në fuqi për këtë qëllim;
• Të jetë i aftë fizikisht dhe mendërisht.