2163Dizenjues të produkteve dhe veshjeve

Përshkrimi

Dizenjuesi ose dekoratori planifikon dhe dizenjon mjedise ose produkte artistike, komerciale, industriale, publike, krijon mjedise të brendshme apo objekte që i shërbejnë qëllimit të klientit dhe kënaq kërkesat e tij. Dizenjuesi merr në konsideratë krijimin e një ambienti të favorshëm dhe funksional, si dhe mban parasysh shitjen dhe promocionin e produktit që dizajnon. Koordinon dhe merr pjesë në punën për ndërtimin apo zbatimin e projektit të dizajnuar prej tij.

Detyrat kryesore

• Përcaktojnë objektivat dhe kufizimet e dizenjimit;
• Konsultohen ngushtë me klientin, drejtuesin apo aksionerët që bëjnë porosinë;
• Bëjnë kërkime e studime, analizojnë gjithë kërkesat e hapësirës, funksionalitetit, eficiencës, sigurisë, por dhe anës estetike të projektit;
• Formulojnë konceptet e dizajnit për dekorimin e mjediseve te brendshme, vitrinave, reklamave, ekspozitave, mobilieve etj.;
• Përgatitin skica, diagrama, ilustrime dhe plane për të komunikuar konceptet e dizajnit me klientin;
• Negociojnë zgjidhje për dizenjimin me klientët, manaxherët, furnitorët, personelin e ndërtimit apo rikonstruksionit;
• Përzgjedhin, specifikojnë dhe rekomandojnë materialet funksionale, estetike, mobiliet, produktet që do përdoren për të realizuar dizenjimin e tij.;
• Detajojnë dhe dokumentojnë dizajnin e përzgjedhur për ndërtim, apo zbatim;
• Koordinojnë ndërtimin dhe dekorimin e mjediseve të brendshme;
• Dizajnojnë dhe sugjerojnë ngjyrat për imazhet, mjediset, produktet, skenat etj.;
• Dizajnojnë dhe dekorojnë dritaret-reklama apo objektet e tjera ku shfaqen dhe promovohen produktet apo shërbimet;
• Zbatojnë rregullat e sigurimit teknik në punë dhe rregullat e mbrojtjes së mjedisit;
• Menaxhojnë personelin e tyre mbështetës;
• Rritin aftësitë e tyre profesionale.

Kërkesat

• Arsim i lartë Arkitekture, Inxhinieri, Dizajn;
• Licenca për ushtrim profesioni sipas kuadrit ligjor në fuqi për këtë qëllim;
• Aftësi për te vepruar;
• Aftësi analitike dhe komunikuese.

Informacion shtesë

Një individ mund ta nisë punën si teknik arti, apo kurator ose si ndihmës dizenjues. Me përfundimin e arsimit të lartë dhe kurseve profesionale, ai mund të punësohet si dizenjues në varësi të sektorit që ai zgjedh, si dizenjues i mjediseve të brendshme, reklamave, ekspozitave, veshjeve etj. Dizenjuesi mund të jetë i punësuar në organizata private apo dhe publike por mund ta ushtrojë këtë profesion dhe si i pavarur, për të cilën nuk ka nevojë për ndonjë licencë të veçantë. Ai mund të punësohet në agjenci reklamash, në firma ndërtimi, në ekspozita e galeri etj.