432Nëpunës të regjistrimit të materialeve dhe të transportit

Përshkrimi

Nëpunësit e regjistrimit të materialeve dhe të transportit regjistrojnë dhe mbajnë shënimet e nevojshme për aktivitetin e kryer në njësinë e vet të shërbimit (në magazina) për stoqe, për furnizimin, për pritjen dhe transportin e mallrave, për inventarin etj. Ata llogarisin, planifikojnë dhe regjistrojnë lëndën e parë për prodhim, prodhimin dhe porositë e marra në aktivitetin prodhues. Nëpunësit e regjistrimit të materialeve dhe të transportit regjistrojnë, mbajnë evidenca të aspekteve operacionale dhe koordinimit të kohës në transportimin e udhëtarëve dhe të mallrave. Ata mund të punësohen në kompani shërbimesh, transportesh dhe institucione të tjera, apo të vetëpunësohen.

Detyrat kryesore

• Organizojnë punën në njësinë e vet të shërbimit;
• Regjistrojnë dhe sistemojnë mallrat në magazina;
• Sistemojnë mallrat në magazina apo vendet përkatëse të tyre;
• Kryejnë llogaritje të sasisë së pranuar, dërguar apo shitur të materialit;
• Evidentojnë llogaritjet e bëra në regjistrat përkatës sipas specifikimeve të përcaktuara;
• Regjistrojnë materiale, lëndën e parë, porosinë dhe dërgimin e mallrave sipas datave dhe specifikimeve të nevojshme;
• Planifikojnë dhe regjistrojnë prodhimin dhe porositë e marra në aktivitetin prodhues;
• Planifikojnë dhe llogaritin kosto të prodhimit në njësinë e vet të shërbimit;
• Bëjnë inventarin e mallrave në magazina apo njësitë e veta të shërbimit;
• Regjistrojnë të dhëna në shërbimet e transportit për kohën dhe volumin e punës së kryer;
• Mbikëqyrin transportin automobilistik, hekurudhor, ajror, ujor;
• Përcaktojnë dhe rregullojnë oraret e lëvizjes për mjetet e transportit automobilistik, hekurudhor, ajror, ujor;
• Japin informacione lidhur me oraret e lëvizjes për mjetet e transportit automobilistik, hekurudhor, ajror, ujor;
• Kryejnë kontrolle dhe inspektime në shërbim e transport;
• Përgatisin evidenca dhe fatura të ndryshme administrative;
• Realizojnë detyra të tjera të ngjashme;
• Mbikëqyrin punëtorët e tjerë.
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Zakonisht kërkohet përfundimi i arsimit të mesëm;
• Të jetë i aftë fizikisht dhe mendërisht.