4322Nëpunës prodhimi

Përshkrimi

Nëpunësi i prodhimit llogarit sasinë në kohë që kërkohet për prodhimin e materialeve dhe mallrave të kërkuara sipas planit të përcaktuara për prodhim ose për procese të ngjashme me prodhimin. Ai cakton oraret për kontrollin e prodhimit dhe përgjigjet për hartimin dhe koordinimin e planeve ditore të punës.

Detyrat kryesore

• Mbledhin, mbajnë shënim dhe verifikojnë sasitë e sakta të prodhimit dhe raportojnë mbi volumet e tij;
• Kontrollojnë cilësinë dhe llojin e materialeve të kërkuara nga programi i prodhimit;
• Mbajnë shënimet përkatëse të inventarit të materialeve të regjistruara për prodhim;
• Përgatitin/mbajnë shënime për oraret zyrtare të prodhimit;
• Mbajnë shënim porositë e dërguara prej klientëve;
• Sigurojnë që materialet të jenë në dispozicion kur është e nevojshme për procesin e prodhimit;
• Bëjnë verifikimin e stoqeve të materialeve gati për prodhim;
• Ruajnë dokumentat përkatëse të punës;
• Regjistrojnë dhe koordinojnë punën midis departamenteve të ndryshme në organizatë;
• Zbatojnë rregullat e mbrojtjes së mjedisit;
• Zbatojnë rregullat etikës në vendin e punës;
• Zbatojnë rregullat e sigurimit teknik në punë.

Kërkesat

• Zakonisht kërkohet përfundimi i arsimit të mesëm;
• Kërkohen aftësi shumë të mira komunikimi;
• Kërkohet aftësi të mira të përdorimit të kompjuterit;
• Të jetë i aftë fizikisht dhe mendërisht me zotësi të plotë për të punuar.

Informacion shtesë

• Një individ mund të hyjë në profesion si punëtor prodhimi. Me eksperiencën dhe dijet e duhura individi mund të kalojë në profesion si nëpunës prodhimi;
• Fillestarët në këtë profesion, që të bëjnë karrierë duhet të fokusohen tek shkollimi në fushën e biznesit dhe të komunikimit;
• Me avancimin në punë duke fituar eksperiencë mund të hapet biznes privat dhe licencimi kryhet sipas ligjeve në fuqi.