4323Nëpunës transporti

Përshkrimi

Nëpunësit e transportit mbajnë të dhënat në lidhje me çështjet operative të transportit rrugor, hekurudhor dhe ajror të pasagjerëve dhe transportit të mallrave. Detyrat kryesore të nëpunësve të transportit janë përgatitja e raporteve dhe manaxhimi i orareve të transportit.

Detyrat kryesore

• Planifikojnë, organizojnë dhe kontrollojnë veprimtaritë që kanë lidhje me transportin ;
• Koordinojnë kohën dhe vendin e udhëtarëve që lëvizin me mjete të transportit;
• Mbajnë shënime oraret dhe çështje të tjera për transportin e mallrave;
• Regjistrojnë të dhënat para dhe pas transportit të mallrave/njerëzve;
• Mbajnë lidhje me kompanitë e siguracioneve dhe ndjekin kërkesat;
• Ndërtojnë marrëdhënie me klientët dhe mbajnë lidhje të qëndrueshme me bizneset;
• Mbajnë shënime për problemet/mangësitë e transportit;
• Raportojnë çdo mangësi për sinjalistikën e duhur;
• Marrin dhe konfirmojnë urdhra për transportin;
• Mbajnë shënime në regjistër për oraret problemet, mangësitë e transportit ;
• Koordinojnë, raportojnë oraret e transportit ajror në regjistrat përkatës;
• Kontrollojnë dhe raportojnë për trafikun e transportit përkatës;
• Raportojnë oraret e transportit në regjistrat përkatës;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës;
• Zbatojnë rregullat e sigurimit teknik në punë.

Kërkesat

• Zakonisht kërkohet përfundimi i arsimit të mesëm; përfundimi i niveleve më të larta përbën favor;
• Eksperienca në punë të ngjashme jep më tepër shanse punësimi;
• Kërkohet njohje e mirë e përdorimit të kompjuterit;
• Vlerësohet njohja elementare e gjuhëve të huaja (Anglisht, Gjermanisht, Frëngjisht);
• Të ketë aftësi të mira komunikimi, planifikimi dhe negocimi;
• Të jetë i aftë fizikisht dhe mendërisht me zotësi të plotë për të punuar.

Informacion shtesë

• Një individ mund të hyjë në profesion si ndihmës në profesionin e nëpunësit të transportit.
• Me eksperiencën e duhur të mëtejshme individi mund të kalojë në profesion si nëpunës transporti.
• Vazhdimi i mëtejshëm i shkollimit mund të rezultojë në hapjen e biznesit privat në fushën e transportit. Licencimi realizohet sipas kërkesave të ligjit në fuqi.