121Drejtues të shërbimeve të biznesit dhe administratës

Përshkrimi

Drejtuesit e shërbimeve të biznesit dhe administratës planifikojnë, organizojnë, drejtojnë, kontrollojnë, koordinojnë dhe vlerësojë administratën financiare, administratën e burimeve njerëzore, të planifikim apo të aktiviteteve të tjera të ndërmarrjeve e organizatave që kanë shërbime të tilla, si dhe mund të sigurojnë shërbime për ndërmarrje dhe organizata të tjera.

Detyrat kryesore

?

• Përcaktojnë dhe përpilojnë politikat dhe programet për ndërmarrjen ose organizatën;
• Krijojnë dhe drejtojnë procedura operative dhe administrative për veprimtarinë e ndërmarrjes apo organizatës;
• Zbatojnë strategjitë dhe politikat e ndërmarrjes apo organizatës;
• Monitorojnë dhe vlerësojnë zbatimin e strategjive dhe politikave të ndërmarrjes apo organizatës;
• Ofrojnë këshilla për manaxherët e lartë dhe anëtarët e bordeve financiare e administrative për strategjitë, politikat, programet dhe çështje legjislative;
• Sigurojnë pajtueshmërinë me legjislacionin përkatës, me rregulloret dhe standardet për aktivitetin e ndërmarrjes apo organizatës;
• Kontrollojnë kualifikimin dhe performancën në përzgjedhjen e personelit dhe hartojnë plane për trajnime të mëtejshme;
• Zgjedhin apo miratojnë përzgjedhjen e personelit;
• Kontrollojnë përgatitjen e buxheteve dhe mbikëqyrjen e aktivitetit financiar;
• Konsultohen me drejtuesit ekzekutiv dhe me drejtuesit e departamenteve ose seksione të tjera, si dhe koordinojnë veprimtarinë ndërmjet tyre;
• Kontrollojnë shpenzimet për të siguruar përdorimin efikas të burimeve;
• Përfaqësojnë organizatën në bisedime zyrtare, në negociata, në konventat, seminare dhe forume;
• Raportojnë në bordet e drejtorëve dhe organeve drejtuese objektivat, strategjitë, veprimtarinë dhe rezultatet e ndërmarrjes apo organizatë;
• Promovojnë interesat e ndërmarrjes apo organizatës;
• Realizojnë detyra të ngjashme;
• Mbikëqyrin punëtorët e tjerë.

Kërkesat

• Zakonisht kërkohet përfundimi i arsimit të lartë;
• Të jetë mbi 18 vjeç;
• Të jetë i aftë fizikisht dhe mendërisht.