12Drejtues administrativë dhe komercialë

Përshkrimi

Drejtuesit administrativë dhe komercialë planifikojnë, organizojnë, drejtojnë, kontrollojnë dhe koordinojnë aktivitetet financiare e administrative të ndërmarrjes, organizatës ose të sektorëve dhe departamenteve të brendshëm, në përputhje me legjislacionin dhe politikat e bëra nga përfaqësuesit e zgjedhur apo organet legjislative. Ata drejtojnë, koordinojnë dhe kontrollojnë politika të burimeve njerëzore, të planifikimin, të kërkimit dhe zhvillimit, të reklamave, të marrëdhënieve publike, të shitjeve etj.

Detyrat kryesore

• Planifikojnë dhe organizojnë aktivitete të ndërmarrjeve të biznesit, të organizatave tjera në tërësi ose të departamenteve dhe sektorëve të tyre të brendshëm, në përputhje me legjislacionin dhe politikat e bëra nga përfaqësuesit e zgjedhur apo organet legjislative;
• Drejtojnë dhe koordinojnë aktivitete të ndërmarrjeve të biznesit, të organizatave tjera ose të departamenteve dhe sektorëve të tyre të brendshëm , në përputhje me legjislacionin dhe politikat e bëra nga përfaqësuesit e zgjedhur apo organet legjislative;
• Përpilojnë dhe administrojnë politika këshillimi, planifikimi strategjik dhe financiare të ndërmarrjeve të tyre;
• Zbatojnë, monitorojnë dhe rivlerësojnë strategjitë dhe politikat;
• Ofrojnë këshillim për manaxherët e nivelit të lartë;
• Drejtojnë dhe zhvillojnë nisma për produkte të reja, marketingun, marrëdhëniet me publikun dhe fushatat publicitare;
• Përcaktojnë dhe drejtojnë aktivitetet e shitjeve, standardet e shërbimit të klientit, vendosjen e çmimeve dhe marrëveshje kredish;
• Kryejnë funksione drejtimi dhe manaxhimi në fushim e shërbimeve;
• Krijojnë dhe drejtojnë procedurat operative dhe administrative;
• Sigurojnë zbatimin e kuadrit ligjor, rregulloreve përkatëse dhe standardeve;
• Sigurojnë përzgjedhjen, kontrollin, trajnimin dhe performancën e personelit;
• Përgatisin buxhetin dhe mbikëqyrin veprimet financiare;
• Bashkërendojnë aktivitetet e departamenteve me manaxherë të tjerë dhe zyrtarë të lartë qeveritarë ose me departamente e seksione të tjera;
• Rekomandojnë dhe shqyrtojnë dokumente dhe raporte të dorëzuara nga anëtarët e nivelit të lartë dhe të mesëm të personelit;
• Vlerësojnë dhe miratojnë dokumente dhe raporte e dorëzuara;
• Kontrollojnë shpenzimet dhe përdorimin me efikasitet të burimeve;
• Përfaqësojnë ndërmarrjet ose organizatat në konferenca, seminare, dëgjesa publike ose forume;
• Realizojnë detyra të ngjashme;
• Koordinojnë zbatimin e rregullave tësigurisë në punëdhe të mbrojtjes së mjedisit.

Kërkesat

• Zakonisht kërkohet përfundimi i arsimit të lartë në këtë fushë;
• Të jetë mbi 18 vjeç;
• Të jetë i aftë fizikisht dhe mendërisht.