932Punëtorë të industrisë

Përshkrimi

Punëtorët e industrisë kryejnë një sërë detyrash të thjeshta manuale në prodhim apo industri për të ndihmuar punën e pajisjeve, makinave apo makinerive industriale. Ata kryejnë seleksionime, paketime dhe etiketime me dorë të produkteve të ndryshme. Ata mund të punësohen në kompani prodhimesh industriale apo të vetëpunësohen.

Detyrat kryesore

• Kryejnë paketim të materialeve dhe produkteve të ndryshme me dorë;
• Mbushin me dorë shishe, kavanoza, kuti, thasë dhe kontejnerë të tjerë me produkte;
• Kryejnë etiketimin e produkteve dhe kontejnerë me dorë;
• Përcjellin, shoqërojnë mallra, materiale, drejt zonës së pajisjeve apo makinerive punuese;
• Kryejnë seleksionimin dhe klasifikimin manual të produkteve ose komponentëve të tyre sipas procedurave të paracaktuara të punës;
• Kryejnë montimin e thjeshtë me dorë të komponentëve;
• Kryejnë pastrimin dhe mirëmbajtjen e mjeteve dhe pajisjeve të punës;
• Realizojnë detyra të tjera të ngjashme;
• Mbikëqyrin punëtorët e tjerë;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Zakonisht kërkohet përfundimi i arsimit të detyruar.
• Të jetë e/i aftë fizikisht dhe mendërisht.