9321Punëtorë të ambalazhit me dorë

Përshkrimi

Punëtor i ambalazhit me dorë peshon, paketon dhe etiketon materiale dhe produkte duke përdorur duart si mjet kryesor.

Detyrat kryesore

• Peshojnë, mbledhin, vulosin dhe paketojnë me dorë materiale dhe produkte të ndryshme;
• Mbushin me dorë shishe, kanaçe, kuti, thasë dhe kontejnerë të tjerë me produkte;
• Ngjisin etiketa me dorë mbi produkte, paketa dhe enë të ndryshme;
• Zhvendosin materiale, pajisje apo furnizime të tjera;
• Vendosin dhe mbushin me materiale dhe produkte pajisjen e paketimit;
• Pastrojnë kontejnerë, materiale, furnizime si edhe vendin e punës duke përdorur solucione pastrime dhe mjete pune dore;
• Matin, peshojnë dhe numërojnë produkte dhe materiale;
• Kryejnë punë të tjera të ngjashme si këto;
• Zbatojnë rregullat në mbrojtje të mjedisit dhe shëndetit të njerëzve;
• Zbatojnë rregullat e sigurimit teknik gjatë punës.

Kërkesat

• Të ketë mbaruar arsimin e detyrueshëm shkollor;.
• Të jetë bashkëpunues.
• Të në gjendje të kryejë aktivitete që kërkojnë forcë fizike të konsiderueshme të gjymtyrëve dhe të trupit.
• Të jetë e/i aftë të përdorë krahët për të mbledhur, përpunuar apo bashkuar objekte të ndryshme.
• Të jetë e/i aftë të ushtrojë forcë të muskujve për të shtyrë, ngritur, tërhequr apo mbajtur në kurriz objekte e sende të ndryshme.
• Të ketë njohje të parimeve dhe proceseve për të shërbyer klientëve.
• Të përmbushë standardet e cilësisë së shërbimit.

Informacion shtesë

Kualifikimi mund të kryhet me fillimin dhe në vazhdimësi të punës.

Instruktimi merret herë pas here për aspekte të sigurisë në punë dhe rregullat e punës.

Mësimi i njohurive bazë mbi ndihmën e shpejtë është i domosdoshëm.

Kryerja me përkushtim e cilësi e punës mund të japë pozicionin e përgjegjësit të grupit.