92Punëtorë të bujqësisë, pyjeve dhe peshkimit

Përshkrimi

Punëtorët e bujqësisë, pyjeve dhe peshkimit kryejnë detyra të thjeshta dhe rutinë për prodhimin e të lashtave, mirëmbajtjen e kopshteve dhe parqeve, shfrytëzimin dhe ruajtjen e pyjeve, zhvillimin e akuakulturës (kultivimin e peshkut etj.) dhe mbarështimin e bagëtive. Ata mund të punësohen në kompani të punimeve dhe shërbimeve të ndryshme bujqësore e blegtorale, apo të vetëpunësohen.

Detyrat kryesore

• Kryejnë punime gërmimi të tokës duke përdorur mjete të thjeshta dore;
• Kryejnë mbjellje të prodhimeve të ndryshme bujqësore;
• Kryejnë punë të ndryshme bujqësore si ujitje, prashitje, pastrim nga barërat etj;
• Kryejnë punë të ndryshme ndihmëse në korrje apo në mbledhjen e drithërave;
• Kryejnë punë të ndryshme ndihmëse në mbledhjen e perimeve;
• Kryejnë punë krahu në kopshtari;
• Ndihmojnë në vjeljen e frutave;
• Kryejnë mbledhje të pambukut;
• Kryejnë punë të ndryshme ndihmëse në krasitjen e bimëve shkurrore apo pemëve drufrutorë;
• Kryejnë punë të ndryshme ndihmëse në fidanishte;
• Kultivojnë dhe rritin lule të ndryshme;
• Kryejnë punë të ndryshme ndihmëse në lulishte;
• Kryejnë punë të ndryshme ndihmëse në sera;
• Kryejnë punë të ndryshme ndihmëse në pyje, si prerje të drurëve, stivosjen apo pastrimin e tyre;
• Kryejnë punë të ndryshme ndihmëse në ferma blegtorale;
• Kujdesen dhe ruajnë gjedhët, kuajt, derrat etj;
• Kujdesen për ushqyerjen dhe pastrimin e kafshëve;
• Kryejnë punë të ndryshme ndihmëse në baxho për prodhimin e produkteve të qumështit;
• Kryejnë punë të ndryshme pastrimi në stalla;
• Kryejnë punë të ndryshme ndihmëse në peshkim;
• Kryejnë punë të ndryshme ndihmëse në gjueti;
• Kryejnë paketim të prodhimeve bujqësore dhe blegtorale;
• Kryejnë riparime të vogla të ndërtesave, gardheve apo pajisjeve të dorës;
• Ndihmon në hedhjen dhe nxjerrjen e rrjetës;
• Bën seleksionimin dhe sistemimin e peshkut ne arka;
• Transporton arkat me peshk;
• Realizojnë detyra të ngjashme;
• Mbikëqyrin punëtorët e tjerë;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Zakonisht kërkohet përfundimi i arsimit të detyruar.
• Të jetë e/i aftë fizikisht dhe mendërisht.