94Ndihmës në përgatitjen e ushqimit
Nëngrup i madh · 1 Nëngrupe
Përshkrimi
Ndihmësit në përgatitjen e ushqimit kryejnë punë ndihmëse për përgatitjen e ushqimit në kuzhinë, në restorant, në fast-food, pastrojnë dhe lajnë frutat dhe perimet, vegla dhe pajisje të përgatitjes së ushqimit, si dhe ambientin e përgatitjes së tyre. Ata kryejnë shërbime ndihmëse për përgatitjen e ushqimeve, kryesisht punë që kërkojnë aftësi fizike dhe pak njohuri. Ata mund të punësohen në kompani të ndryshme ku kërkohen shërbime të tilla apo të vetëpunësohen.
Detyrat kryesore
- Kryejnë punë ndihmëse për përgatitjen e ushqimit në kuzhinë, në restorant, etj;
- Ndihmojnë në përgatitjen e ushqimit në fast-food;
- Pastrojnë dhe lajnë enë me dorë në kuzhinë, në restorant;
- Seleksionojë, pastrojnë dhe lajnë frutat dhe perimet në kuzhinë, në restorant;
- Kryejnë punë para-përgatitore për përgatitjen e pijeve, sanduiçëve, picave, peshkut, patate të skuqura, sallatave dhe ushqime të tjera;
- Kryejnë prerje të ndryshme;
- Kryejnë matje dhe përzierje të produkteve për gatim;
- Kryejnë pastrimin e kuzhinës, zonave të përgatitjes së ushqimit dhe zonat e shërbimit;
- Pastrojnë e lajnë vegla dhe pajisje të përgatitjes së ushqimit në kuzhinë, në restorant;
- Realizojnë detyra të ngjashme;
- Mbikëqyrin punëtorët e tjerë;
- Zbatojnë rregullat e sigurimit teknik dhe të mbrojtjes së mjedisit.
Kërkesat
- Zakonisht kërkohet përfundimi i arsimit të detyruar.
- Të jetë e/i aftë fizikisht dhe mendërisht.