834Përdorues të makinave të ndryshme

Përshkrimi

Përdoruesit e makinave të ndryshme ngasin, menaxhojnë, venë në punë dhe monitorojnë makineritë dhe pajisjet e specializuara të motorizuara që përdoren për pastrimin ose përgatitjen e tokës; gërmojnë, kthejnë dheun, gurët dhe materiale të ngjashme; heqin ose lëvizin materiale të rënda.

Detyrat kryesore

Përzgjedhin makineritë dhe pajisjet e duhura për punë;

• Përgatisin dhe montojnë pajisjen e duhura për të punuar;
• Rregullojnë shpejtësinë, lartësinë dhe thellësinë e pjesëve të makinave bujqësore;
• Lidhin pajisjet që i bashkëngjiten makinave dhe që shërbejnë për të ngritur, larguar bimët, trungjet, kthyer dheun apo objekte ose materiale të tjera të rënda;
• Përdorin dhe monitorojnë lëvizjen e makinave bujqësore dhe pajisjet e tyre të lëvizshme;
• Transportojnë dhe magazinojnë makineritë në destinacionet përkatëse;
• Drejtojnë vinça dhe makineri të tjera ngritëse në procese të ndryshme pune;
• Kujdesen për mirëmbajtjen e makinerive dhe kryejnë riparime të vogla;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Të jetë e/i pajisur me leje drejtimi të nivelit përkatës.
• Zakonisht kërkohet përfundimi i një kualifikimi profesional në këtë fushë.
• Të ketë kryer një kurs formimi profesional për këtë profesion.
• Të jetë e/i aftë fizikisht dhe mendërisht.
• Të ketë njohuri në përdorimin e mjeteve të tjera të ngjashme.

Informacion shtesë

Një individ mund të hyjë në profesion si ndihmës punëtor. Me fitimin e eksperiencës dhe me kualifikimin shtesë mund të kalojë në nivelin punëtor i kualifikuar. Më pas nëpërmjet kualifikimit të mëtejshëm në shkollat profesionale apo trajnimit nëpërmjet punës, një punonjës i makinerive bujqësore mund të ndërmarrë disa funksione mbikëqyrëse duke ngritur shkallët e karrierës.

Për të zhvilluar aktivitet privat (vetëpunësim) në fushën e makinerive bujqësore duhet regjistrimi për ushtrim aktiviteti privat si person fizik apo juridik sipas rastit.

Të ketë njohuri për mirëmbajtjen e makinerive bujqësore.