34Specialistë ligjor, shoqëror, kulturor dhe të tjera të ngjashme

Përshkrimi

Specialistët ligjor, shoqëror, kulturor, të rendit dhe të tjera të ngjashme kryejnë detyrat teknike që lidhen me aplikimin e njohurive të fushave përkatëse në praktikë që kanë të bëjnë me shërbimet ligjore, ruajtjen e rendit, punët sociale, veprimtaritë kulturore, arredimin e ambienteve të brendshme, me sportet dhe fenë. Ata mund të pranojnë udhëzime nga zyrtarët e niveleve më të lartë, manaxherët apo profesionistët. Ata mund të punësohen në kompani shërbimesh të ndryshme, apo të vetëpunësohen.

Detyrat kryesore

• Ofrojnë shërbime teknike apo praktike dhe mbështesin funksionet në proceset ligjore, gjyqësore, hetimore, etj. që kanë të bëjnë me zbatimin e ligjit;
• Kontrollojnë dhe inspektojnë veprimtari të ndryshme për të siguruar zbatimin e ligjit dhe normave të paracaktuara;
• Ofrojnë shërbime kujdestarie dhe përkujdesje sociale në institucione të ndryshme;
• Ofrojnë shërbime përkujdesje sociale për personat me aftësi të kufizuar;
• Ofrojnë veprimtari të ndryshme në institucione të shërbimeve fetare;
• Kryejnë sporte të llojeve të ndryshme dhe asistojnë në veprimtari të tilla në fushën e sportit dhe të aktiviteteve zbavitëse;
• Kryejnë trajnime dhe inspektime të sporteve të natyrave të ndryshme;
• Drejtojnë programe të ndryshme aerobie;
• Fotografojnë dhe realizojnë fotografi të ndryshme artistike dhe shkencore;
• Dekorojnë dhe asistojnë në dizenjimin e ambienteve të brendshme apo të jashtme, nën drejtimin e arkitektëve;
• Kryejnë shërbime teknike në arte të ndryshme, muze, galeri arti, bibliotekë, etj. si p.sh. Inspektim skene, kurator të arkeologjisëetj.;
• Përgatisin dhe drejtojnë programe sociale dhe komunitare, aktivitete kulturore, programeve rekreative, duke kombinuar aftësitë krijuese dhe teknike në një larmi artistike e kulturore;
• Pranojnë dhe marrin udhëzime nga zyrtarët e lartë, manaxherët apo profesionistët;
• Realizojnë detyra të ngjashme;
• Mbikëqyrin punëtorët e tjerë;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Zakonisht kërkohet përfundimi i studimeve bachelor ose një shkolle profesionale në këtë fushë;
• Të jetë i aftë fizikisht dhe mendërisht.