814Punonjës të makinerive të prodhimit të letrës, gomës dhe plastikës

Përshkrimi

Punonjës të makinerive të prodhimit të letrës, gomës dhe plastikës drejtojnë dhe monitorojnë makinat që bluajnë dhe përziejnë gomën dhe përbërësit e gomës dhe prodhojnë elemente të ndryshme, produkte nga goma natyrale dhe sintetike dhe plastika ose prodhojnë produkte të ndryshme letre nga letra, kartoni dhe materiale të ngjashme.

Detyrat kryesore

• Organizojnë proceset e punës në uzina të prodhimit të letrës, gomës dhe plastikës;
• Monitorojnë makineritë e bluarjes dhe përzierjes së gomës dhe lëndëve përbërëse të tyre;
• Përgatisin makineritë dhe pajisjet për proceset e duhura të punës në uzina prodhimit të letrës, gomës dhe plastikës;
• Monitorojnë dhe drejtojnë funksionimin makinerive dhe pajisjeve gjatë proceseve të prodhimit të letrës, gomës dhe plastikës;
• Prodhojnë komponentë të ndryshëm dhe produkte plastike, gome natyrale dhe sintetike;
• Drejtojnë dhe monitorojnë makineritë e prodhimit të produkteve të ndryshme letre;
• Verifikojnë dhe monitorojnë mirëfunksionim e makinerive dhe pajisjeve gjatë proceseve të punës;
• Testojnë dhe analizojnë mostrat të produkteve të prodhuara;
• Përshtatin makineritë sipas standardit të kërkuar për procese të ndryshme pune;
• Kontrollojnë prodhimin për defekte dhe përshtatshmërinë e tyre me specifikimet e punës;
• Mbajnë të dhëna dhe regjistrojnë funksionimin e makinerive;
• Kryejnë mirëmbajtjen dhe pastrimin e makinerive, pajisjeve dhe ambienteve, sipas procedurave të paracaktuara, në uzina të prodhimit të letrës, gomës dhe plastikës;
• Zbatojnë rregullat sigurimit teknik dhe mbrojtjes së mjedisit.

Kërkesat

• Zakonisht kërkohet përfundimi i një shkolle profesionale në këtë fushë.
• Të ketë kryer një kurs formimi profesional për këtë profesion.
• Të jetë e/i aftë fizikisht dhe mendërisht.
• Të jetë e/i shkathët dhe e/i zoti në përdorimin e mjeteve dhe makinerive të punës.

Informacion shtesë

Një individ mund të hyjë në profesion si ndihmës punëtor. Me fitimin e eksperiencës dhe me kualifikimin shtesë mund të kalojë në nivelin punëtor i kualifikuar. Më pas nëpërmjet kualifikimit të mëtejshëm në shkollat profesionale apo trajnimit nëpërmjet punës, një punonjës i makinerive të prodhimit të letrës, gomës dhe plastikës mund të ndërmarrë disa funksione mbikëqyrëse duke ngritur shkallët e karrierës.

Për të zhvilluar aktivitet privat (vetëpunësim) në fushën e makinerive të prodhimit të letrës, gomës dhe plastikës duhet regjistrimi për ushtrim aktiviteti si person fizik ose juridik, sipas rastit.

Të ketë njohuri për mirëmbajtjen e makinerive të prodhimit të letrës, gomës dhe plastikës.