4416Nëpunës personeli

Përshkrimi

Nëpunësi i personelit ruan dhe përditëson të dhënat për personelin, të tilla si transferimet, promocionet dhe ngritjet në detyrë; përditësimin e informacioneve të reja, informacionin e vlerësimit të performancës për punën e kryer në institucion; sasinë e ditëve dhe datave të kryerjes së lejes vjetore, pagat si edhe kualifikimet e trajnimet.

Detyrat kryesore

• Përditësojnë informacionin mbi dinamikën e punësimeve dhe pagave të punonjësve në institucion;
• Përditësojnë të dhënat mbi kualifikimet dhe trajnimet e personelit;
• Mbajnë të dhëna në dosje elektronike dhe në letër për punëtorët në përgjithësi dhe të rinjtë në veçanti;.
• Kontrollojnë mbi saktësinë e të dhënave për punonjësit që kanë aplikuar për punësim;
• Intervistojnë dhe vlerësojnë personat kandidatë për të filluar një punë të caktuar;
• Përpunojnë kërkesat për punësim dhe përcaktojnë specifikimet bazë për fillimin e punës;
• Promovojnë dhe përditësojnë të dhënat për vende pune të hapura në institucion;
• Ruajnë regjistrat dhe dosjet e personelit në formë dosjesh elektronike dhe në letër;
• Japin sqarime tek punonjësit për të drejtat e punësimit dhe kushtet e punës;
• Këshillojnë punonjësit për ndryshime të kushteve të punës;
• Hartojnë raportime për eprorët për personelin e punësuar dhe për kandidatët e mundshëm për punësim;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës;
• Zbatojnë rregullat e sigurisë në punë.

Kërkesat

• Kërkohet të ketë përfunduar minimalisht arsimin e mesëm;
• Të jetë e/i aftë fizikisht dhe mendërisht me zotësi të plotë për të punuar;
• Të njohë dhe të përdorë programe kompjuterike për nevojat e kërkesave që ka ky profesion;
• Të jetë e/i vëmendshëm për detaje të lidhura sidomos me zbatimin e afateve kohore;
• Të ketë njohuritë bazë për punët që kryhen në zyrë

Informacion shtesë

• Për hyrje në këtë profesion individit i kërkohen aftësi të mira komunikimi verbal dhe jo verbal;
• Njohja e manualëve apo sistemeve të mbajtjes së të dhënave është avantazh;
• Kërkohet njohje e mirë e drejtshkrimit dhe e stilistikës së përdorimit të gjuhës shqipe;
• Zotërimi i bazave të një gjuhe tjetër ndërkombëtare zyrtarisht e njohur përbën avantazh në punësim.