4412Nëpunës për përgatitjen dhe dërgimin e postës

Përshkrimi

Nëpunësit për përgatitjen dhe dërgimin e postës kryejnë klasifikimin, regjistrimin, shpërndarjen dhe detyra të tjera në lidhje me shërbimet e postës prej zyrave të postës apo strukturave të tjera ngjashme drejt destinacionit përkatës si edhe pranojnë letra e pako, shesin pulla, kartolina e zarfe, pranojnë pagesa për shërbime publike dhe kontrollojnë dërgesat për të arritur në destinacionin e kërkuar.

Detyrat kryesore

• Klasifikojnë adresat e banimit dhe zyrave përpara dërgimit të postës;
• Sigurojnë konfirmimin e dërgimit të postës kur kërkohet nga klienti;
• Mbajnë shënime të lëvizjeve (hyrjet/daljet) të postës;
• Dërgojnë në adresat e banimit/zyrave porositë e regjistruara;
• Kontrollojnë magazinën për letrat/pakot e reja të hyra;
• Mbajnë inventarin e të gjitha letrave dhe pakove që hyjnë në postë;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës.

Kërkesat

• Nuk ka kërkesa specifike për t’u bërë për të punuar në këtë profesion megjithatë njohja e gjuhës angleze përbën element favorizues;
• Eksperienca fitohet me punë dhe trajnimet kryhen gjatë ushtrimit të profesionet të fokusuara në çështje të sigurisë;
• Aplikantët duhet të kenë licencë drejtimi dhe rekorde të mira drejtimi.

Informacion shtesë

Një individ mund të hyjë në profesion duke punuar fillimisht si postier i thjeshtë. Me eksperiencën e duhur individi mund të ushtrojë profesionin e nëpunësit për përgatitjen dhe dërgimin e postës.

Përbën avantazh njohja e terminologjisë së shkruar të gjuhëve të huaja bazë për shërbimin që kryen.

Të njohë parimet dhe mënyrat për transportin e mallrave me avionë, anije, hekurudhë apo nëpërmjet transportit rrugor.