4411Nëpunës të bibliotekave

Përshkrimi

Nëpunësi i bibliotekave, arkivës, sistemimit të dosjeve dhe të tjerë të ngjashëm pranon dërgesat e materialeve në adresë të bibliotekës, porosit libra të reja/përdorura, përzgjedh dhe sistemon librat në rafte; regjistron revistat, gazetat dhe materialet e tjera në listën e inventarit dhe jep informim të gjithanshëm anëtarëve të bibliotekës.

Detyrat kryesore

• Regjistrojnë tërheqjet dhe pranimet e librave dhe materialeve të tjera të bibliotekës;
• Mirëmbajnë librat dhe materialet e tjera të bibliotekës;
• Rifreskojnë regjistrin ditor në bibliotekë;
• Ndihmojnë përdoruesit e bibliotekës në zgjedhjen e materialeve kryesore të bibliotekës;
• Huazojnë librat e regjistruara në inventarin manual ose elektronik të bibliotekës;
• Regjistrojnë të gjitha blerjet dhe shitjet nga arkivi i bibliotekës;
• Sistemojnë librat dhe materialet e tjera në bibliotekë;
• Sistemojnë dosjet sipas kronologjisë së emrit/datës,etj.;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës.

Kërkesat

• Zakonisht kërkohet përfundimi i arsimit të mesëm;
• Të njohë terminologjinë , procedurat dhe pajisjet e zyrës;
• Të ketë njohuri për rregullat e vendosjes në rafte dhe në radhët përkatëse;
• Të jetë i aftë të kuptojë dhe të zbatojë udhëzimet me gojë dhe me shkrim;
• Të ketë aftësi në shtypshkrim dhe përdorimin e kompjuterit;
• Të ketë mirësjellje me pjesëtaret e tjerë të personelit dhe me publikun.

Informacion shtesë

• Një individ mund të hyjë në këtë profesion edhe pa pasur eksperiencë në fusha të tjera.