4313Nëpunës për pagat

Përshkrimi

Nëpunësi i pagave mban inventarin e pagave të punonjësve në organizatë. Ata mbledhin, verifikojnë dhe llogaritin informacion për pagat. Ata përgatitin, numërojnë dhe paguajnë pagat e punonjësve në llogarinë e tyre ose në dorë.

Detyrat kryesore

• Mbajnë shënim orët e punës të secilit punonjës në organizatë, orët e punës jashtë orarit zyrtar me sistem manual ose elektronik;
• Kontrollojnë shifrat, saktësinë e të ardhurave në llogari të punonjësve në organizatë;
• Përgatitin dhe verifikojnë të ardhurat neto dhe bruto të secilit punonjës duke zbritur taksat, sigurimet dhe detyrimet e tjera nga paga;
• Kontrollojnë dhe rishikojnë në mënyrë sistematike librezën e punës dhe shmangin ‡do mospërputhje në llogari të punonjësve;
• Verifikojnë praninë e punonjësve në organizatë në përputhje me orarin zyrtar të punonjësve;
• Zbatojnë rregullat e etikës në vendin e punës.

Kërkesat

• Zakonisht kërkohet përfundimi i arsimit të mesëm;
• Përfundimi i një shkolle profesionale ekonomike përbën element favorizues;
• Të jetë i aftë mendërisht e fizikisht me zotësi të plotë për të punuar;
• Të kushtojë vëmendje të shtuar për detaje dhe të zotërojë shumë mirë daktilografinë;
• Të ketë njohuri shumë të mira matematikore dhe të zotërojë njohjen dhe përdorimin e programeve kompjuterike;
• Të jetë i aftë të organizojë punën , i motivuar në mënyrë profesionale,;
• Të ketë dëshirë e motivim për punën në grup.

Informacion shtesë

• Një individ mund të hyjë në profesion si sekretar/e i thjeshtë. Me eksperiencën e duhur dhe me arsimim te mesëm individi mund të kryejë profesione të tjera me të kualifikuara si nëpunës statistike, finance dhe për sigurimet ose Llogaritar;
• Vazhdimi i mëtejshëm i shkollimit dhe kualifikimeve jep mundësi hapje biznesi privat apo vazhdimësi në karrierë.