4311Llogaritarë

Përshkrimi

Llogaritari mban, klasifikon dhe regjistron të dhënat në organizatën ku punon. Ai mban llogaritë e plota të pagave dhe kostove të prodhimit, kryen detyra të tjera të përditshme llogarie, dërgon dhe verifikon mbi bazën e të dhënave financiare.

Detyrat kryesore

• Kontrollojnë shifrat, saktësinë dhe kodet e duhura duke u bazuar në të dhënat ekzistuese;
• Klasifikojnë, regjistrojnë dhe përmbledhin të dhënat numerike dhe financiare;
• Hartojnë dhe mbajnë të dhënat financiare duke përdorur regjistra ose mjete elektronike;
• Analizojnë informacionin numerik të regjistruar në regjistrat e organizatës;
• Mbledhin të dhëna për pasqyrën financiare (fitimet/humbjet) sipas kushteve të përcaktuara;
• Përgatitin dhe kryejnë detyrimet në lidhje me bilancin;
• Hartojnë raporte statistikore, financiare të kontabilitetit ose auditimit që kanë të bëjnë me hyrjet në arkë, shpenzimet, fitimet dhe humbjet;
• Llogaritin pagat në bazë të orëve të punës të kryera nga secili punonjës i organizatës;
• Analizojnë mospërputhjet financiare duke mbledhur informacionin e nevojshëm;
• Zbatojnë rregullat e etikës në vendin e punës.

Kërkesat

• Përfundimi i një shkolle profesionale ekonomike apo sistemin e lartë 2-3 vjeçar jep shumë favor për punësim;
• Të jetë i aftë mendërisht me zotësi të plotë për të punuar;
• Të njohë mirë organizimin e punës dhe të racionojë maksimalisht kohën e saj;
• Të dijë t’i përshtatet nevojave dhe kërkesave të klientit;
• Të jetë i aftë të punojë në ekip.

Informacion shtesë

• Një individ mund të hyjë në profesion si llogaritar i thjeshtë. Me eksperiencën e duhur dhe me arsimim të lartë individi mund të kryejë profesione të tjera me të kualifikuara si Kontabilist, Audit,etj.
• Një llogaritar mund të trajnohet në përdorimin e kompjuterit për të pasur me shumë lehtësi gjatë punës;
• Vazhdimi i mëtejshëm i shkollimit dhe eksperiencës në punë hap rrugën dhe jep mundësinë për hapje biznesi personal e licencimi në fushën e financave sipas ligjeve në fuqi.