4132Nëpunës të regjistrimit të të dhënave

Përshkrimi

Nëpunësi i regjistrimit të të dhënave është përgjegjës për regjistrimin, hedhjen e të dhënave dhe shpjegimin kur është e nevojshme për të dhënat e institucionit ku punojnë.

Detyrat kryesore

• Regjistrojnë të dhënat me dorë ose me makinë shkrimi brenda administratës ku punojnë;
• Regjistrojnë informacione të rëndësishme, me dorë ose kompjuter, në interes të institucionit që punojnë;
• Hedhin informacionet e të dhëna të tjera nga letrat e shkruara në kompjuter;
• Shpjegojnë me komente e informacione shtesë të dhënat standard që i jepen;
• Sigurojnë saktësi dhe cilësi në hedhjen e të dhënave që marrin në ngarkesë;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës.

Kërkesat

• Zakonisht kërkohet përfundimi i arsimit të mesëm;
• Të jetë i aftë fizikisht dhe mendërisht.
• Të ketë njohje të mirë në zgjedhjen dhe përpunimin e dokumentacionit;
• Të ketë njohje bazike të kompjuterit sidomos në përpunimin e fjalëve;
• Të zotërojë procedurat e përdorimit të pajisjeve të zyrës;
• Të dijë të përdorë tastierën në mënyrë shumë të mirë;
• Të njohë shumë mirë rregullat drejtshkrimore.

Informacion shtesë

Për hyrjen në këtë profesion individit i kërkohet përfundimi i arsimit të mesëm dhe aftësi të mira për shkrim me dorë, makinë shkrimi dhe kompjuter.

Me kalimin e kohës mund të bëhen kurse kualifikimi për përmirësimin e njohjes së rregullave të drejtshkrimit.