3259Asistentë të tjerë të shëndetit të paklasifikuar diku tjetër

Përshkrimi

Asistentët e tjerë të shëndetit të paklasifikuar diku tjetërushtrojnë njohuritë e tyre në kujdesin, parandalimin dhe trajtimin e dëmtimeve dhe sëmundjeve në sistemin skeletor të njeriut. Ata këshillojnë dhe promovojnë pacientët në mirëmbajtjen e skeletit të trupit, muskujve, ligamenteve dhe tendinave për të pasur një mirëqenie dhe shëndet të përgjithshëm të trupit.

Detyrat kryesore

• Marrin informacion të detajuar të historikut shëndetësor të pacientit duke përfshirë këtu shëndetin në përgjithësi, simptoma të veçanta, si edhe detaje të tjera;
• Ekzaminojnë qëndrimin dhe posturën e përgjithshme të pacientit dhe kontrollojnë për tensionim të muskujve ose probleme të ligamenteve duke i kërkuar pacientit të kryejë veprime të caktuara;
• Kryejnë ekzaminime fizike duke përdorur ndjeshmërinë e prekjes për të identifikuar pika të dobëta ose të dëmtuara të trupit të pacientit;
• Masin tensionin dhe vlerësojnë parametra të tjera të nevojshme për të vlerësuar shëndetit e fizikut të pacientit;
• Planifikojnë trajtimin e pacientit në dakortësi me të dhe e zbatojnë atë nëpërmjet teknikave specifike;
• Japin rekomandime për dietën ushqimore, qëndrimin dhe ushtrimet fizike;
• Rekomandojnë pacientët për vizita tek specialistë të tjerë nëse është e nevojshme;
• Këshillojnë dhe instruktojnë pacientët për ushtrime rehabilituese me qëllim rikuperimin afatgjatë dhe për teknika që sigurojnë shëndetin e mirë e të vazhdueshëm;
• Mbajnë të dhëna të përditësuara dhe të sakta për pacientët;
• Marrin në shqyrtim dhe interpretojnë imazheritë dixhitale të prodhuara nga teknikat imazherike, të tilla si rezonanca magnetike, ultratingujt dhe skaneri. ;
• Zbatojnë kodin e etikës së institucionit ku punojnë;
• Zbatojnë rregullat e sigurimit dhe mbrojtjes së shëndetit;
• Zbatojnë rregullat e sigurimit dhe të mbrojtjes së mjedisit.

Kërkesat

• Kushti kryesor për të hyrë në këtë profesion është diploma universitare në fushën e mjekësisë, konform kuadrit ligjor në fuqi;
• Të jetë i përgjegjshëm dhe i komunikueshëm.