3255Asistentë dhe teknikë të fizioterapisë

Përshkrimi

Asistenti dhe tekniku i fizioterapisë kryen shërbime dhe trajtime fizioterapie për pacientët të cilët kanë pësuar dëmtime në gjymtyrët e lëvizshëm ose kur këto gjymtyrë kërcënohen nga ndonjë sëmundje apo çrregullim i mundshëm. Ai zbaton planin e terapisë të përcaktuar nga mjeku fiziatër. Ai mund të punësohet në spital shtetëror ose privat, në klinika private dhe qendra estetike.

Detyrat kryesore

• Organizojnë punën sipas listës së pacientëve për tu trajtuar;
• Zbatojnë planin e trajtimit të pacientit të përcaktuar nga ftiziatri;
• Kryejnë terapi me anë të masazheve fizioterapike;
• Instruktojnë, këshillojnë dhe mbikëqyrin pacientin mbi teknikat e ushtrimeve dhe praktikave të ndryshme që përfshin terapia;
• Kujdesen për mirëqenien psikike dhe psikologjike të pacientit gjatë terapisë duke përdorur teknika motivimi;
• Monitorojnë dhe mbajnë nën kontroll ecurinë e pacientit;
• Bashkëpunojnë me fiziatrin dhe infermierë të tjerë për të përcaktuar ndryshime ose vazhdimësi të terapisë, bazuar në ecurinë e pacientit;
• Përdorin aparatura të caktuara për rritjen e qarkullimit të gjakut, oksigjenimit të qelizave dhe heqjen e inflamacionit;
• Këshillojnë komunitetin, individët dhe pacientët për llojin e këpucëve që duhet të veshin, mënyrën e të qëndruarit dhe ushtrimin e aktivitetit fizik.

Kërkesat

• Kushti kryesor për të hyrë në këtë profesion është diploma 3 vjeçare në Fizioterapi nga Fakulteti i Shkencave Mjekësore Teknike;
• Të jetë i përgjegjshëm dhe i komunikueshëm.

Informacion shtesë

Për të hapur klinikë private për ofrimin e shërbimeve të fizioterapisë, nevojitet licenca e cila lëshohet nga Urdhri i Infermierit.

Kjo licencë jepet pasi të jetë dhënë provimi i shtetit.