3252Teknikë të informacionit dhe regjistrimeve mjekësore

Përshkrimi

Tekniku i informacionit dhe regjistrimeve mjekësore kryen një sërë detyrash që ndihmojnë në mbarëvajtjen, mirëmbajtjen dhe organizimin e punës në një qendër shëndetësore duke përmbushur të gjitha kërkesat profesionale, ligjore dhe etike që kanë të bëjnë me kujdesin e shëndetit të pacientëve. Ai mund të punësohet në qendra shëndetësore publike ose private, spitale dhe konsultore fëmijësh.

Detyrat kryesore

• Informojnë dhe drejtojnë pacientët sipas vizitës së nevojshme;
• Informojnë dhe këshillojnë pacientët për procedurat e qendrës shëndetësore dhe dokumenteve të nevojshme për t’u pajisur;
• Regjistrojnë çdo pacient që vjen për vizitë në qendrën shëndetësore;
• Regjistrojnë çdo vizitë në kartelën personale të pacientit;
• Organizojnë dhe zhvillojnë, sipas një plani të hartuar, ruajtjen e kartelave të të gjithë pacientëve të qendrës shëndetësore;
• Menaxhojnë urgjencat e mundshme sipas njohurive dhe eksperiencave, si edhe udhëzimeve të mjekut;
• Sigurojnë pajisjen me medikamentet e nevojshme të kutisë së emergjencës;
• Marrin masa për plotësimin e listë-prezencës së personelit të qendrës shëndetësore;
• Zbatojnë kodin e etikës së institucionit;
• Zbatojnë rregullat e sigurimit dhe mbrojtjes së shëndetit;
• Zbatojnë rregullat e sigurimit dhe të mbrojtjes së mjedisit.

Kërkesat

• Kushti kryesor për të hyrë në këtë profesion është diploma 3 vjeçare në Infermieri nga Fakulteti i Shkencave Mjekësore Teknike;
• Të jetë i përgjegjshëm dhe i komunikueshëm.

Informacion shtesë

• Në disa raste, ky profesion ushtrohet me rotacion nga të gjithë infermierët e qendrës apo departamentit.