3222Profesionistë mami

Përshkrimi

Profesionisti/ja mami siguron kujdes shëndetësor dhe këshillim për nënën përpara dhe mbrapa lindjes së fëmijës. Ai/ajo zbaton trajtimin dhe terapinë e dhënë nga mjekët përkatës (obsetër, neonat, etj). Ai/ajo mund të punësohet në spital shtetëror ose privat, si edhe në qendra shëndetësore, konsultore fëmijësh.

Detyrat kryesore

• Marrin në dorëzim kartelat e pacientëve të shtruar;
• Zbatojnë terapinë e dhënë nga mjeku për secilin pacient;
• Këshillojnë dhe informojnë paraprakisht nënën për procesin e lindjes;
• Mbajnë nën vëzhgim parametrat e bebit para lindjes;
• Monitorojnë procesin e paralindjes së nënës, kohën e dhimbjeve, kohën kur duhet të fillojë procesi i lindjes;
• Japin ndihmën e parë në raste komplikacionesh deri në njoftimin e mjekut;
• Ofrojnë mbështetje psikologjike para dhe pas procesit të lindjes për nënën;
• Presin fëmijën gjatë lindjes në rastet kur nuk ka komplikacione;
• Asistojnë mjekun gjatë lindjes në rastet kur ka komplikacione ose në lindjet cezariane;
• Kujdesen për shëndetin e nënës dhe fëmijës duke ndjekur parametrat shëndetësorë periodikisht;
• Asistojnë dhe këshillojnë nënën në procesin e lidhjes me fëmijën, ushqimin me gji, pozicionimi, koha, etj.;
• Kujdesen për higjenën e fëmijës;
• Zbatojnë kodin e etikës së institucionit ku punojnë;
• Zbatojnë rregullat e sigurimit dhe mbrojtjes së shëndetit;
• Zbatojnë rregullat e sigurimit dhe të mbrojtjes së mjedisit.

Kërkesat

• Të ketë përfunduar studimet e Larta në fushën përkatëse.
• Të ketë kryer periudhën e Stazhit si infermier.
• Te ketë dhënë Provimin e Shtetit sipas Programeve të përcaktuara nga Ministria e Arsimit dhe ajo e Shëndetësisë për marrjen e Licencës së Ushtrimit të Profesionit Infermier.
• Të jetë i regjistruar pranë Urdhrit të Infermierit.
• Të ketë aftësi komunikuese.
• Të njohë të paktën një gjuhë të huaj (preferencë Anglisht ose Frëngjisht meqë janë gjuhët më të përdorura në fushën e Shëndetësisë).
• Të jetë i përgjegjshëm dhe i komunikueshëm.