3213Asistentë dhe teknikë farmaceutik

Përshkrimi

Asistenti dhe tekniku farmacist kryen një sërë detyrash që kanë lidhje me shpërndarjen e barnave sipas udhëzimit të mjekut ose një farmacisti (drejtuesi teknik), këshillimin e pacientëve dhe përgatitjen e përgatesave galenike. Ai mund të punësohet në farmaci private, shtetërore, Ministrinë e Shëndetësisë, Qendrës së Kontrollit të Barnave, Urdhrit të Farmacistëve, Kompani shpërndarëse barnash (depo farmaceutike) dhe kompani prodhimi barnash.

Detyrat kryesore

• Këshillojnë pacientët pa recetë për shqetësimet që mund të kenë;
• Drejtojnë pacientët tek mjeku në rastet kur këshillimi i tij/saj nuk është i mjaftueshëm;
• Verifikojnë të dhënat e recetës së pacientit që paraqitet;
• Ekzekutojnë recetën sipas përshkrimit të mjekut;
• Japin udhëzime me shkrim ose me gojë për mënyrën e përdorimit dhe marrjes së barnave;
• Ekzekutojnë receta me rimbursim të plotë ose të pjesshëm;
• Kuadrojnë recetat e rumbursimit me listën e rimbursimit të siguruar nga FONDI (Fondi i Sigurimit të Kujdesit Shëndetësor);
• Grumbullojnë recetat e rimbursueshme për t’i dorëzuar tek FONDI;
• Regjistrojnë recetat e rimbursueshme në sistemin online, i cili i transmeton të dhënat tek FONDI;
• Bëjnë porosi në depo farmaceutike për produktet që janë duke u pakësuar në farmaci;
• Regjistrojnë në sistemin online produktet e rimbursimit që furnizohen nga depot farmaceutike;
• Marrin në dorëzim produktet e sjella nga depo farmaceutike;
• Kontrollojnë vazhdimisht për datën e skandencës së produkteve;
• Bëjnë përgatesa galenike, në bazë të recetës së mjekut, nën mbikëqyrjen e drejtuesit teknik;
• Etiketojnë përgatesat për përbërësit që përmbajnë, përdorimin dhe emrin e përgatitësit;
• Ambalazhojnë përgatesën në varësi të përbërësve të saj;
• Këshillojnë klientët për përdorimin e barnave apo produkteve të caktuara në rast mungese të udhëzimit mjekësor (recetës);
• Kontrollojnë çdo muaj datën e skadencës së barnave;
• Porositin tek furnitorët (depot farmaceutike) barnat të cilat janë në mbarim;
• Kryejnë inventarin e barnave çdo muaj;
• Mbajnë kontakt të vazhdueshëm me depot farmaceutike për hyrjet e reja në fushë;
• Sigurojnë cilësinë e pastërtisë së ambientit me anë të mjeteve të posaçme;
• Mirëmbajnë dhe kujdesen për kushtet optimale të ruajtjes (depozitimit) të barnave;
• Llogaritin arkën në momentin e mbylljes dhe fillimit të punës;
• Paguajnë faturat tek furnitorët;
• Zbatojnë kodin e etikës të miratuar nga manaxhimi;
• Zbatojnë rregullat e sigurimit dhe mbrojtjes së shëndetit;
• Zbatojnë rregullat e sigurimit dhe të mbrojtjes së mjedisit.

Kërkesat

• Kushti kryesor për të hyrë në këtë profesion është diploma 5 vjeçare nga Fakulteti i Farmacisë;
• Të ketë njohuri për përdorimin e programeve kompjuterike;
• Të jetë i përgjegjshëm dhe i komunikueshëm.

Informacion shtesë

• Ky është profesion i rregulluar me ligj;
• Individët që duan të punojnë si Asistentë Teknikë Farmacistë duhet të kalojnë provimin e shtetit pas diplomimit nga Fakulteti i Farmacisë;
• Pas eksperiencës 3 vjeçare nën mbikëqyrjen dhe udhëheqjen e një drejtuesi teknik, Asistentët mund të marrin licencën e Drejtuesit Teknik;
• Për të zhvilluar aktivitet privat (vetëpunësim) në këtë fushë nevojitet si kusht minimal licenca e drejtuesit teknik dhe kontrata me FONDIN.