2522Administratorë të sistemeve

Përshkrimi

Administratorët e sistemeve, zhvillojnë, kontrollojnë, mirëmbajnë dhe mbështesin performancën optimale dhe sigurinë e sistemeve të teknologjisë së informacionit. Kryejnë operacione për ruajtjen e të dhënave dhe rikuperimit të dëmeve në sistemet kompjuterike.

Detyrat kryesore

• Mirëmbajnë dhe administrojnë rrjetet e kompjuterave dhe mjediset e tjera që lidhen me to: harduerë, sistemet softuerë të kompjuterave, aplikacionet softuerë dhe gjithë konfigurimet e tjera;
• Rekomandojnë ndryshime për të përmirësuar sistemet dhe konfigurimet e rrjetit;
• Përcaktojnë kërkesat harduerë apo softuerë të lidhura me modifikimet në rrjet;
• Diagnostikojnë problemet harduerë dhe softuerë;
• Kryejnë operacione për ruajtjen e të dhënave (backups) dhe operacione të rikuperimit të dëmeve;
• Operojnë me sisteme qendrore për të monitoruar performancën e sistemeve apo rrjeteve kompjuterike dhe për të koordinuar aksesin dhe përdorimin në rrjetin kompjuterik;
• Mirëmbajnë sistemet e kompjuterëve dhe përgjigjen për problemet apo defektet që hasen;
• Testojnë dhe analizojnë programe dhe sisteme të teknologjisë së informacionit dhe komunikimit;
• Bëjnë preventiv për shërbimet e ndryshme që realizohen në njësinë e biznesit;
• Mbikëqyrin punëtorë të tjerë;
• Rritin aftësitë e tyre profesionale duke përditësuar njohuritë në këtë sektor;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Arsimi i larte Informatike/Elektronike/ Matematike etj.;
• Kualifikime profesionale;
• Aftësi për të vepruar.

Informacion shtesë

Një individ mund të hyjë si teknik rrjeti kompjuterik, teknik sistemesh, operator rrjeti, teknik Website etj. Për këtë nuk nevojitet arsim i lartë, por thjesht arsim profesional. Më pas me kualifikime profesionale dhe arsim të lartë mund të punësohet si administrator i sistemeve. Një administrator i sistemeve mund të punësohet gjithashtu në shumë degë të shkencës TIK (teknologjia e Informacionit dhe komunikimit), si dizenjues të dhënash, apo specialist të rrjetit kompjuterik dhe sigurisë së informacionit etj. Më kualifikime dhe eksperiencë mund të marrë dhe pozicione drejtuese në sektorin TIK.