233Mësues të arsimit të mesëm të përgjithshëm

Përshkrimi

Mësuesit e arsimit të mesëm të përgjithshëm kryejnë mësimin, shpjegimi e një apo më shumë subjekteve në nivelin e mesëm arsimor, duke përjashtuar lëndët që synojnë të përgatisin për punësim në fusha specifike profesionale. Ata përgatisin hartimin dhe përshtatjen e kurrikulave duke përzgjedhur metodat e duhura të mësimdhënies, si dhe administrojnë testet dhe vlerësimet e performancës së nxënësve për të matur progresin, për të vlerësuar efektivitetin e mësimit. Ata mund të punësohen në shkolla e mesme të përgjithshme publike apo private, kolegje apo institucione të tjera që aplikojnë shërbime të arsimit të mesëm të përgjithshëm.

Detyrat kryesore

• Kryejnë hartimin dhe përshtatjen e kurrikulave për përgatitjen e kurseve të studimit, në përputhje me programin dhe udhëzimet mësimor;
• Zbatojnë rregulla dhe procedura për sjelljen dhe ruajtjen qetësisë gjatë zhvillimit të mësimit;
• Përzgjedhin metodat e mësimdhënies në përputhje me përmbajtjen e lëndës apo subjektit;
• Shpjegojnë mësime në një ose më shumë subjekte apo lëndë mësimore;
• Përshtatin metodat e mësimdhënies dhe materialet mësimore për të përmbushur nevojat dhe interesat e ndryshme të nxënësve;
• Vlerësojnë performancën dhe sjelljen e nxënësve për të përcaktuar progresin apo për të bërë sugjerime për përmirësim e tyre;
• Administrojnë testet dhe vlerësimet, me gojë ose me shkrim, të performancës për të matur progresin e për të vlerësuar efektivitetin e mësimit;
• Përgatisin raporte dhe mbajnë shënime të tilla si: notat e nxënësve, ndjekjen e studimit dhe detaje të aktivitetit mësimor;
• Marrin pjesë në takimet në lidhje me politikat arsimore apo organizative të shkollës;
• Kryejnë planifikimin, organizimin dhe pjesëmarrjen në aktivitetet shkollore si: ekskursione, ngjarjet sportive dhe koncerte;
• Kryejnë plotësimin dhe ruajtjen e dokumentacionit, në formatin fizik dhe elektronik;
• Komunikojnë me profesionalizëm me eprorë, kolegë dhe të tjerë;
• Zbatojnë kodin e etikës;
• Zbatojnë rregullat e mbrojtjes së mjedisit.

Kërkesat

• Zakonisht kërkohet përfundimi i një diplome universitare.
• Të ketë kryer një master profesional ose shkencor për këtë profesion.
• Të ketë kaluar provimin e shtetit në mësuesi, sipas kuadrit ligjor në fuqi.