0122Përgjegjës Sektori, Shef Dege në Ministrisë së Mbrojtjes dhe Shtabit të Përgjithshëm të FA

Përshkrimi

Përgjegjës Sektori, Shef Sektori, Shef Dege pranë Ministrisë së Mbrojtjes dhe Shtabit të Përgjithshëm të Forcave të Armatosura sigurojnë lidership dhe manaxhimin e njësive organizative në FA dhe/ose performojnë detyra të ngjashme si ato që performohen në një sërë pozicionesh civile jashtë Forcave të Armatosura. Ky grup përfshin të gjithë anëtarët e FA që kanë gradën Kolonel, Kapiten i Rangut I, Nënkolonel, Kapiten i Rangut II, Major, Kapiten i Rangut III.

Detyrat kryesore

• Përgatitin materialet për hartimin e doktrinës së forcës apo të strukturës që drejtojnë;
• Përgatitin dhe përzgjedhin materialet për hartimin e planeve afatgjata dhe programeve vjetore për forcën që drejtojnë;
• Përgatitin materialet për hartimin e planeve dhe programeve vjetore e afatmesme të zhvillimit e të modernizimit për forcën që drejtojnë;
• Sigurojnë ndjekjen me përpikmëri të projekteve për strukturën e forcës që drejtojnë;
• Përgatitin të dhënat për shpenzimet e buxhetit të shkuar dhe kërkesat për buxhetin e ardhshëm sipas akteve ligjore e nënligjore të manaxhimit të sistemit buxhetor;
• Mbledhin të dhëna për vlerësimin të ushtarakëve aktivë në forcën apo strukturën mbështetëse që drejtojnë të zbatohet në përputhje me politikat, udhëzimet e procedurat standarde, të miratuara nga Ministri i Mbrojtjes;
• Realizojnë detyra të tjera sipas pozicionit që mbulojnë.

Kërkesat

• Të jetë vetëm shtetas shqiptar;
• Të ketë zotësi të plotë për të vepruar;
• Të përmbushë kërkesat ligjore për nivelin arsimor;
• Të ketë përputhshmëri gradë-funksion-specialitet për vendin përkatës të punës;
• Të jetë i aftë nga ana shëndetësore;
• Të mos jetë dënuar me vendim gjykate të formës së prerë për kryerjen e një krimi;
• Të jetë i pajisur me certifikatë sigurie;
• Të mos ketë filluar procedim penal ndaj tij;
• Të mos ketë konflikt interesi me detyrën ose funksionin që do të kryejë;
• Të ketë nivelin e kërkuar të Anglishtes për pozicionin e punës.