0121Drejtues Drejtorie në Ministrinë e Mbrojtjes dhe Shtabin e Përgjithshëm të FA

Përshkrimi

Drejtuesit e nivelit të lartë të Shtabit të Përgjithshëm të FA dhe Ministrisë së Mbrojtjes sigurojnë lidership dhe manaxhimin e njësive organizative në FA dhe/ose performojnë detyra të ngjashme si ato që përformohen në një sërë pozicionesh civile jashtë Forcave të Armatosura. Ky grup përfshin të gjithë anëtarët e FA që kanë gradën Kolonel, Kapiten i Rangut I, Nënkolonel, Kapiten i Rangut II, Major, Kapiten i Rangut III.

Detyrat kryesore

• Hartojnë dhe paraqesin për miratim doktrinën e forcës apo të strukturës që drejtojnë;
• Hartojnë dhe paraqesin për miratim planet afatgjata dhe programet vjetore për forcën që drejtojnë;
• Hartojnë dhe paraqesin për miratim planet dhe programet vjetore e afatmesme të zhvillimit e të modernizimit për forcën që drejtojnë;
• Ndjekin projektet për strukturën e forcës që drejtojnë;
• Hartojnë dhe përditësojnë programet e përgatitjes dhe ato të kualifikimit të personelit, brenda dhe jashtë vendit;
• Mbledhin të dhëna për plotësimin me personel të strukturës që drejtojnë;
• Miratojnë planin për arsimim e kualifikim të personelit për forcën që drejtojnë;
• Miratojnë manualet e luftimit dhe të teknikës për forcën që drejtojnë;
• Paraqesin kërkesat buxhetore dhe ndjekin zbatimin e buxhetit, sipas akteve ligjore e nënligjore të manaxhimit të sistemit buxhetor;
• Sigurojnë që sistemi i vlerësimit të ushtarakëve aktivë në forcën apo strukturën mbështetëse që drejtojnë të zbatohet në përputhje me politikat, udhëzimet e procedurat standarde, të miratuara nga Ministri i Mbrojtjes;
• Realizojnë detyra të tjera sipas pozicionit që mbulojnë.

Kërkesat

• Të jetë vetëm shtetas shqiptar;
• Të ketë zotësi të plotë për të vepruar;
• Të përmbushë kërkesat ligjore për nivelin arsimor;
• Të ketë përputhshmëri gradë-funksion-specialitet për vendin përkatës të punës;
• Të jetë i aftë nga ana shëndetësore;
• Të mos jetë dënuar me vendim gjykate të formës së prerë për kryerjen e një krimi;
• Të jetë i pajisur me certifikatë sigurie;
• Të mos ketë filluar procedim penal ndaj tij;
• Të mos ketë konflikt interesi me detyrën ose funksionin që do të kryejë;
• Të ketë nivelin e kërkuar të Anglishtes për pozicionin e punës.