952Shitës ambulant

Përshkrimi

Shitësit ambulant shesin një gamë të kufizuar artikujsh, zakonisht mallra të ndryshëm (duke përjashtuar ushqim për konsumi të menjëhershëm) në rrugë dhe vende publike të tilla si: stacione të ndryshme, kinema apo teatro, parqe lodrash etj. Ata komunikojnë me klientët potencial në rrugë duke u ofruar mallrat e tyre dhe duke marrë pagesën e menjëhershme për shitjet e kryera. Ata mund të punësohen në kompani shërbimesh tregtare, apo të vetëpunësohen.

Detyrat kryesore

• Kryejnë blerjen ose marrjen e artikujve për shitje;
• Kryejnë ngarkim – shkarkimin e artikujve që do të shesin;
• Drejtojnë karroca të vogla, biçikleta, kamion ose automjete të tjera, për të transportuar mallra në rrugë ose vende publike si p.sh.: stacionet, kinema etj;
• Sistemojnë dhe reklamojnë mallrat, artikujt për të tërhequr vëmendjen e konsumatorit;
• Komunikojnë me klientët potencial në rrugë dhe duke ofruar mallra për shitje;
• Kryejnë marrjen e pagesës së menjëhershme për shitjet e kryera;
• Kryejnë llogaritje të thjeshta për shitjet dhe blerjet e bëra;
• Realizojnë detyra të tjera të ngjashme;
• Mbikëqyrin punëtorët e tjerë;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Zakonisht kërkohet përfundimi i arsimit të detyruar.
• Të jetë e/i aftë fizikisht dhe mendërisht.