951Punëtorë për shërbime të ndryshme në rrugë

Përshkrimi

Punëtorët për shërbime të ndryshme në rrugë ofrojnë një shumëllojshmëri të shërbimeve në rrugë, në vende parkimi dhe në vende të tjera publike, duke përfshirë pastrimin dhe lustrimin e këpucëve, larjen e xhamave të makinave apo shërbime të tjera në rrugë. Ata ndihmojnë shoferët në vendet e parkimit, kryejnë ruajtjen e mjeteve të parkuara, si dhe shpërndajnë gazeta dhe fletëpalosje të ndryshme në vende publike. Ata mund të punësohen në kompani shërbimesh të ndryshme apo të vetëpunësohen.

Detyrat kryesore

• Kryejnë marrjen e materialeve të nevojshme për kryerjen e shërbimeve në rrugë apo në vende të tjera publike;
• Ofrojnë shërbime në rrugë për njerëzit, si pastrim dhe lustrim këpucë;
• Kryejnë pastrimin dhe lustrimin e xhamave të makinave;
• Ndihmojnë shoferët për të gjetur një vend parkimi dhe ruajtjen e saj gjatë mungesës së shoferit;
• Shpërndajnë fletëpalosje, revista dhe gazeta falas në vende publike;
• Kryejnë marrjen e pagesës së menjëhershme për aktivitetin e kryer;
• Realizojnë detyra të tjera të ngjashme;
• Mbikëqyrin punëtorët e tjerë;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Zakonisht kërkohet përfundimi i arsimit të detyruar.
• Të jetë e/i aftë fizikisht dhe mendërisht.