9129Punëtorë të tjerë të pastrimit

Përshkrimi

Punëtorë të tjerë të pastrimit pastron sipërfaqet publike e private, materialet, sendet dhe pajisjet të tilla si qilima, mure, pishina dhe kullat ftohëse, duke përdorur kimikate dhe pajisje të specializuara të pastrimit.

Detyrat kryesore

• Pastrojnë qilima dhe mobilie të veshura me rrobë, duke përdorur makina pastrimi dhe pjesët e bashkangjitur këtyre pajisjeve;
• Përzgjedhin dhe përdorin solucione pastrimi për të hequr njollat nga qilimat;
• Trajtojnë qilimat me solucione kimike dhe deodorantë për mbrojtje nga dëmtuesit;
• Pastrojnë mure guri, sipërfaqe dhe veshje metalike duke përdorur pastrues me ujë me presion të lartë dhe tretësa;
• Përdorin kimikate dhe metoda bazuar në pastrimin me presion të lartë, për të hequr mikroorganizmat nga sistemet e ujit dhe të filtrimit, duke përdorur thithje me vakum me lagështi dhe pajisje të tjera thithëse për të hequr pisllëkun e akumuluar;
• Heqin me thithje me vakum depozitime të tjera nga pishinat, nga pjesë të caktuara të kullave të ftohjes si edhe nga kanalizimet;
• Pastrojnë rrugët, ulluqet, rrugëkalimet e lulishteve dhe zona të tjera publike siç janë parqet dhe parkingjet;
• Pastrojnë anët e rrugëve në zonat rurale dhe heqin mbeturinat prej kanaleve;
• Pastrojnë koshat e mbetjeve urbane dhe përdorin fshesa e lopata për pastrimin e zonave të ndotura;
• Përdorin vegla dore pune të vogla të mekanizuara për pastrimin e trotuareve dhe pusetat e kullimit në anë të rrugëve;
• Kryejnë punë të tjera të ngjashme si këto;
• Zbatojnë rregullat në mbrojtje të mjedisit dhe shëndetit të njerëzve;
• Zbatojnë rregullat e sigurimit teknik gjatë punës.

Kërkesat

• Të ketë mbaruar arsimin e detyrueshëm shkollor.
• Të ketë aftësitë praktike për të punuar në terren të hapur.
• Të jetë i vetëdijshëm për problemet e sigurisë së shëndetit.
• Të ketë aftësi komunikimi me klientët dhe njerëz të tjerë në përgjithësi.
• Të jetë i gatshëm të punojë në kushte reale të motit.
• Të dijë përdorimin e makinerive që përdoren për pastrim.
• Të ketë njohje të mirë të përdorimit të kimikateve.
• Të punojë mirë edhe në raste të mungesës së mbikëqyrjes.
• Të jetë i aftë të mirëkuptohet me tipa të ndryshëm njerëzish.
• Të dijë të mirëmbajë makineritë dhe pajisjet e punës.

Informacion shtesë

Normalisht në këtë profesion hyn direkt në veprimtari pune.

Për të përdorur mjete pune pastrimi e transporti kërkohet të keni leje të qarkullimit të automjeteve.

Trajnimi dhe aftësimi merret gjatë punës me kalimin e kohës.

Eksperienca jashtë vendit në këtë profesion përbën element favorizues.

Marrja e licencës për të kryer aktivitet të biznesit të vogël, kryhet sipas kuadrit ligjor në fuqi.