9121Punëtorë që lajnë rroba me dorë dhe hekurosin

Përshkrimi

Punëtori që lan rroba me dorë dhe hekuros, kryen larjen e rrobave ( të linjta apo tekstile) dhe hekurosjen e tyre duke përdorur pajisje të tilla si hekur dore, lavanteri dhe pajisje të tjera të përmasave të vogla.

Detyrat kryesore

• Ndajnë rrobat për pastrim mbi tryezë pune ose në kosh mbi dysheme, në bazë të llojit të ngjyrës, përbërjes së materialit dhe të llojit të pastrimit që kërkohet;
• Fusin rrobat dhe i shkarkojnë nga makina larëse;
• Shtojnë pluhur larës dhe zbardhues, sipas nevojës;
• Shtojnë agjentë pastrues dhe kollarisin rrobat;
• Lajnë të linjtat, veshjet dhe rroba të tjera të ngjashëm duke përdorur mjete dore;
• Pastrojnë me dorë dhe me solucione kimike, veshje, pëlhura, artikuj lëkure dhe artikuj të ngjashëm, me pastrim i thatë;
• Kontrollojnë dhe heqin njollat nga rrobat dhe bëjnë riparime të vogla;
• Palosin rrobat dhe përgatitin për t’i mbështjellë;
• Hekurosin rrobat duke përdorur hekur dore;
• Vendosin rrobat mbi raftet dhe i varin gati për përdorim;
• Kryejnë punë të tjera të ngjashme si këto;
• Zbatojnë rregullat në mbrojtje të mjedisit dhe shëndetit të njerëzve;
• Zbatojnë rregullat e sigurimit teknik gjatë punës.

Kërkesat

• Të ketë aftësi për të mbajtur duart dhe krahët me qëndrueshmëri të lartë.
• Të ketë aftësi për të parë detajet në një distancë të afërt.
• Të ketë njohuri të proceseve për plotësimin e kërkesave të konsumatorëve, duke përmbushur standardet e cilësisë.
• Të dijë vlerësojë kënaqësinë e klientit.
• Të jetë njeri e/i ndershëm dhe etik.
• Të jetë e/i besueshëm, e/i përgjegjshëm në përmbushjen e detyrimeve.
• Të jetë e/i sjellshëm me të tjerët në punë, duke shfaqur një qëndrim mirëdashje, bashkëpunuese.

Informacion shtesë

Individi që kërkon të punësohet, duhet të tregojë se është e/i përkushtuar në punë, e/i besueshëm dhe me mirësjellje.

Eksperienca në këtë profesion jashtë vendit duhet të reklamohet pasi vlerësohet.

Rritja e njohurive mbi proceset e larjes dhe hekurosjes, sjellja me klientët rrit vlerën e këtij profesioni dhe shton kërkesën për punësim.

Marrja e licencës për të kryer aktivitet të biznesit të vogël, kryhet sipas kuadrit ligjor në fuqi.